Siarhiej Sidorski: Biełaruś čakaje rašeńnia MVF nakont vydzialeńnia kredytu na $2 młrd. u najbližejšyja. dni. Tym časam Mižnarodny valutny fond adkłaŭ rašeńnie ab pradastaŭleńni kredytu ŭ 2 młrd dalaraŭ Iślandyi.
Pra heta siońnia na pres‑kanferencyi pa vynikach pasiedžańnia kiraŭnikoŭ uradaŭ Biełarusi i Łatvii paviedamiŭ biełaruski premjer‑ministar Siarhiej Sidorski.
«Na minułym tydni my nakiravali pakiet dakumentaŭ u MVF.
Eksperty hetaj arhanizacyi pastavilisia zyčliva da našaj prapanovy.My čakajem ich rašeńnia ŭ najbližejšy čas», ‑‑ skazaŭ premjer.
***
Siarhiej Sidorski nahadaŭ, što Biełaruś źviarnułasia ŭ MVF nakont vydzialeńnia kredytu na sumu $2 młrd. dla harantavańnia «paduški biaśpieki» dla biełaruskaj ekanomiki, jakaja zastajecca adkrytaj. Suśvietny finansavy kryzys adbivajecca na pracy finansavaj systemy ŭ Eŭrasajuzie, krainach Bałtyi dy inšych, ź jakimi handluje naša kraina.
«Biezumoŭna, dla našych ekspartnych pastavak važna zabiaśpiečvajuć prapłaty. Na žal, šerah kampanij, jakija pracujuć ź biełaruskimi eksparciorami, dajuć rasterminoŭku płaciažoŭ da 180 dzion, a heta značna vymyvaje abarotnyja srodki pradpryjemstvy», — dadaŭ jon.
Kiraŭnik biełaruskaha ŭradu taksama paviedamiŭ, što ciapier Biełaruś nie adčuvaje surjoznaha ŭpłyvu suśvietnaha finansavaha kryzysu, adnak «paduška biaśpieki dla nas była b svoječasova».
***
Tym časam MVF adkłaŭ rašeńnie ab pradastaŭleńni kredytu ŭ 2 młrd dalaraŭ Iślandyi. Apynuŭšysia na miažy bankructva ŭ vyniku suśvietnaha finansavaha kryzysu, kraina damoviłasia pra atrymańnie kredytu jašče 24 kastryčnika, ale rada dyrektaraŭ MVF tak i nie ŭchvaliła jaho vydaču.
Kamientary