Hučny kanflikt adbyŭsia ŭ Pinsku: piešachod palez u bojku z daišnikam. Milicyjant u adkaz załamaŭ jaho, ad udušalnaha pryjoma mužčyna straciŭ prytomnaść.
Žonka mužčyny raspaviała «Našaj Nivie», što muža advieźli ŭ balnicu, paśla zabrali ci to ŭ milicyju, ci to ŭ Śledčy kamitet. Jana ŭpeŭnienaja — muž ni ŭ čym nie vinavaty.
Pinskaje DAI situacyju nie kamientuje.
Śledčy kamitet Bresckaj vobłaści paviedamlaje, što pinčuka padazrajuć u hvałcie ŭ dačynieńni da supracoŭnika orhanaŭ unutranych spraŭ.
«Pa dadzienych śledstva, 26 žniŭnia prykładna ŭ 14:50, 46-hadovy žychar Pinska, budučy ŭ stanie ałkaholnaha apjanieńnia, užyŭ hvałt u dačynieńni da inśpiektara DPS ADAI Pinskaha HAUS, jaki znachodziŭsia pry vykanańni słužbovych abaviazkaŭ i ažyćciaŭlaŭ viadzieńnie administracyjnaha pracesu», — paviedamiŭ aficyjny pradstaŭnik SK pa Bresckaj vobłaści Dźmitry Ivaniuk.
Mužčynu pravieryli na ałkahol — pakazała 1,07 pramile. Na jaho zaviali kryminalnuju spravu za napad na milicyjanta. Ciapier pinčuku pahražaje da 6 hadoŭ kałonii. Pakul jon zatrymany, znachodzicca pad vartaj. Raniej jon užo byŭ sudzimy.
Kamientary