Prezydent ZŠA Donald Tramp u aŭtorak, 18 vieraśnia pryniaŭ u Biełym domie prezydenta Polščy Andžeja Dudu. Heta pieršy aficyjny vizyt ciapierašniaha polskaha lidera ŭ ZŠA z tych časoŭ, kali Tramp zaniaŭ prezydencki post, piša Radyjo Svaboda.
Jak paviedamlaŭ raniej Bieły dom, u paradku dnia pieramoŭ — pytańni handlu, vajskovaje supracoŭnictva i prablemy biaśpieki. U chodzie pieramovaŭ polski lider paprasiŭ Trampa pabudavać u Polščy pastajannuju vajskovuju bazu ZŠA i prapanavaŭ nazvać jaje ŭ honar amerykanskaha prezydenta «Fortam Tramp». Duda dadaŭ, što «Fort Tramp» stanie ŭschodnie-eŭrapiejskim «Bastyjonam» suprać rasiejskaj pahrozy.
Tramp u adkaz pahadziŭsia z Dudam, što Maskva «dziejničała ahresyŭna» u rehijonie i zaŭvažyŭ, što pytańnie ab budaŭnictvie bazy ciapier razhladajecca amerykanskimi ŭładami. Tramp zapeŭniŭ, što jon vysoka acaniŭ prapanovu polskaha prezydenta ŭkłaści ŭ prajekt bolš za $ 2 młrd.
«My stavimsia da hetaha vielmi surjozna, ja viedaju, što ŭ Polščy hetaja ideja vielmi papularnaja, i my nad joj ciapier dumajem, tak», — skazaŭ Donald Tramp na pres-bryfinhu pa vynikach sustrečy.
Polski i amerykanski prezydenty vykazali zaniepakojenaść budaŭnictvam rasiejskaha hazapravoda «Paŭnočny patok 2». Na ich dumku, hety prajekt moža zrabić Eŭropu zaležnaj ad pastavak paliva z Maskvy i pavysić ryzyki palityčnaha šantažu Maskvy, zaŭvažyŭ Duda.
-
Tramp choča pazbavić prava hołasu ŭ NATA tyja krainy, jakija traciać na abaronu mienš za 5% VUP
-
Zialenski: Pakul pieranakiravańnia zbroi z Ukrainy na Blizki Uschod niama, a tam pabačym
-
Ryś, jakaja hulaje, miadźviedź i fłaminha na fonie pravadoŭ. Za kaho hałasavali hledačy na konkursie «Fatohraf dzikaj pryrody hoda»
Ciapier čytajuć
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary