«Chacieła pakaštavać, ale pieradumała! Ahidna!» Brend marožanaha zrabiŭ pravakacyjnuju rekłamu
U instahram-akaŭncie marožanaha «Alcreme» źjaviłasia pravakacyjnaja rekłama.
Podpis pad fota hučyć tak: «Darosłaje maroziva — darosłyja fatahrafii».
«Alcreme» śpiecyjalizujecca na vyrabie ałkaholnaha marožanaha.
Hety fotazdymak vyklikaŭ nieadnaznačnuju reakcyju karystalnikaŭ instahrama. Chtości pisaŭ pra toje, što rekłama šykoŭnaja, śmiełaja i dziorzkaja, adnak bolšaść karystalnikaŭ pisali, što rekłama nie prosta seksisckaja, ale i haniebnaja i miarzotnaja.
Zrešty, vytvorcaŭ marožanaha heta nie zasmučaje.
U fotaalbomie źjaviłasia fota jašče adnoj hołaj madeli z ražkami marožanaha. Vytvorcy zdymak padpisali tak:
«Žachliva, znoŭ pryhožaja dziaŭčyna. Jašče i hołaja. Fu. Jarka, sakavita, pošła.
Miarkujučy pa kamientarach da apošnich pastoŭ my vydatna napałochali žanočuju častku aŭdytoryi. Spyniać šerah fota my na hetym nie płanujem: paŭtara miesiaca viali zdymki i apracoŭku. Usiaho tolki vielmi staralisia pakazać, što marožanaje - nie tolki dla dziaciej.
U nas smačnaje i stylovaje maroziva, tamu i zdymka adpaviednaja, a dzicia z ražkom možna ŭbačyć u 10000 inšych instahramaŭ vytvorcaŭ.
My ŭvieś čas sprabujem novaje. Tamu ŭ nas takija prodažy.
BTW [«by the way», darečy], na fatahrafii dziaŭčyna z marožanym. Jak i na papiarednich. Usie astatniaje — vaša fantazija».
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja64
Kamientary