Ukraina viadzie pieramovy ź Mižnarodnym valutnym fondam (MVF) ab novaj, bolš karotkaj prahramie supracoŭnictva — stand-by. Finansavaja arhanizacyja vystaviła dziaržavie čatyry ŭmovy dla atrymańnia novaha kredyta. Pra heta paviedamlaje miascovaja «Ekanamičnaja praŭda» sa spasyłkaj na svaje krynicy.
Jak adznačaje vydańnie, padčas znachodžańnia misii MVF va Ukrainie z 6 pa 19 vieraśnia damovicca ab prahramie nie ŭdałosia, ale abmierkavańni praciahvajucca.
Krynicy śćviardžajuć, što ŭkrainski bok zmoh uzhadnić z kredytoram pytańnie pavyšeńnia cany na haz — košt paliva ŭ krainie pavinien vyraści na 23%. Heta pieršaja ŭmova, ab jakoj MVF kazaŭ i raniej.
Druhaja tyčycca antykarupcyjnaj reformy. Fond rekamienduje pieraraźmierkavać funkcyi pa praviercy elektronnych dekłaracyj pamiž roznymi orhanami na karyść Nacyjanalnaha antykarupcyjnaha biuro.
Treciaja ŭmova źviazana ź biudžetam. Pa dadzienych haziety, MVF patrabuje ad uładaŭ pryniataha finansavaha płana, ale jon da hetaha času nie zaćvierdžany.
Narešcie, čaćviortaja ŭmova, jakaja moža być uklučana ŭ stand-by, — reforma dziaržaŭnaj fiskalnaj słužby.
Prahrama praduhledžvaje tranš u 5—6 miljardaŭ dalaraŭ i raźličana na 12—15 miesiacaŭ. Hetaja kredytnaja sistema dziejničaje z 1952 hoda, jana stvoranaja dla dapamohi ŭ pieraadoleńni kryzisnych situacyj.
Kamientary