Va Ukrainskaj pravasłaŭnaj carkvie Kijeŭskaha patryjarchata raźličvajuć, što Suśvietny patryjarchat pradastavić Ukrainie tomas (hramatu ab aŭtakiefalii) na Sinodzie ŭ druhoj pałovie listapada.
Pra heta skazaŭ archijepiskap Jeŭstracij Zara, kamientujučy ŭ efiry «Hramadskaha» nastupstvy rašeńnia Sinoda ad 11 kastryčnika.
«My budziem rabić usio, što ad nas zaležyć, kab heta adbyłosia jak maha chutčej», — padkreśliŭ jon.
Jon raspavioŭ, što ciapier va Ukrainie pierachodziać da nastupnaha etapu, kali treba źbirać sabor dla abjadnańnia ŭkrainskich cerkvaŭ.
«Da hetaha času nie było mahčymaści sabrać sabor, bo pradstaŭniki UPC Maskoŭskaha patryjarchata nie mahli pryniać u im udzieł: im patrebny byli zapeŭnivańni», — tłumačyć archijepiskap.
Jon paviedamiŭ, što na pasadu kiraŭnika Adzinaj pamiesnaj carkvy UPC KP padtrymlivaje kandydaturu patryjarcha Fiłareta, bo ź jaho anafiemu źniali.
«Paśla hałasavańnia, vybaraŭ, hety pradstajaciel pavinien atrymać ad Kanstancinopalskaha patryjarchata Tomas — jak fizičny dakumient, jak hramatu. I hety etap my zavieršym», — dadaŭ jon.
Kamientary