liberalizavać naša žyćcio, zrabić jaho bolš svabodnym dla čałavieka. Heta vielmi važna ŭ siońniašniaj sytuacyi»
Jak paviedamlaje pres‑słužba prezidenta Biełarusi, Alaksandr Łukašenka zajaviŭ 25 listapada na naradzie z aktyvam Viciebskaj vobłaści:
«My nie možam adharadzicca «žaleznaj zasłonaj» ad hetych źjaŭ [suśvietnaha kryzisu] i pavinny ŭličvać ich u svajoj pracy».
Pavodle słoŭ A.Łukašenki,
źjavilisia prahnozy, što nastupny hod budzie ciažkim, ale dla mnohich dziaržaŭ jon stanie časam uzdymu, vychadu z kryzisu.«Budziem spadziavacca, što my nie adstaniem u hetych adnosinach, bo ŭ nas jość vialiki vopyt dziejańniaŭ u ciažkich situacyjach», — dadaŭ jon. Jon ličyć nieabchodnym pierahledzieć usie prahramy i mierapryjemstvy, što namiačalisia raniej z u likam dynamičnaha raźvićcia krainy, i vykanać ich u zapłanavanym ab\jomie za mienšyja srodki.
«Što da biełaruskaha rubla, to situacyja absalutna strymalnaja. Siońnia važna padtrymać kurs biełaruskaha rubla. Jaho abvału nie budzie,usio — u zadadzienych paramietrach, u tym liku i hadavaja devalvacyja», — zajaviŭ A.Łukašenka. Pavodle jaho słoŭ, u krainie nazapašany peŭnyja reziervy, nasielnictva daviaraje jaje bankaŭskaj sistemie.
Jon taksama zajaviŭ, što Mižnarodny valutny fond pazityŭna aceńvaje ŭsie pracesy, što adbyvajucca ŭ Biełarusi, a dziaržava prysłuchoŭvajecca da ŭsich zaŭvah MVF. Pry hetym, pavodle słoŭ A.Łukašenki, Biełaruś nie maje namieru admaŭlacca ad mocnaj sacyjalnaj palityki, skiravanaj na zabieśpiačeńnie spraviadlivaj i dastojnaj sacyjalnaj abarony hramadzian. «My zrobim usio, što tyčycca ludziej, i najpierš budziem aryjentavacca na ich», — skazaŭ jon.
Jon padkreśliŭ nieabchodnaść libieralizacyi ŭsich śfier žyćcia ŭ Biełarusi:«My pavinny raźniavolić čałavieka, libieralizavać naša žyćcio, zrabić jaho bolš svabodnym dla čałavieka. Heta vielmi važna ŭ siońniašniaj situacyi». Pavodle słoŭ Łukašenki, nieabchodna zabiaśpiečyć prastor u ekanomicy, «kab ludzi mahli bolš apieratyŭna i svabodna dziejničać, kab ich ničoha nie źviazvała».
Zaviaršajučy naradu, kiraŭnik dziaržavy padkreśliŭ, što svajoj hałoŭnaj zadačaj jon ličyć zabieśpiačeńnie pravoŭ čałavieka: «Abaraniać pravy ludziej na dastojnuju zarpłatu, na toje, kab svabodna žyć i havaryć toje, što čałaviek dumaje, — voś hałoŭnaja zadača prezidenta. Pra heta i ŭsie my pavinny zaŭsiody pamiatać».
Ciapier čytajuć
Pieršaha sakratara pasolstva Biełarusi ŭ ZŠA pasadzili za palityku1
Kamientary