ZŠA, vychodziačy z Damovy ab likvidacyi rakiet siaredniaj i mienšaj dalokaści (DRSMD), rychtujuć vajnu, zajaviŭ namieśnik kiraŭnika departamienta rasijskaha MZS pa pytańniach nieraspaŭsiudžańnia i kantrolu nad uzbrajeńniami Andrej Biełavusaŭ. Takoje mierkavańnie jon vykazaŭ paśla taho, jak kamitet AAN admoviŭsia vynosić na razhlad prajekt rasijskaj rezalucyi ŭ padtrymku dahavora, pieradaje TASS.
Paśla hałasavańnia ŭ kamitecie pradstaŭnik ZŠA Robiert Vud zajaviŭ, što Vašynhton apošnija piać hadoŭ sprabavaŭ paŭpłyvać na Maskvu ŭ hetym pytańni.
«Niadaŭna jany [Rasija] pryznalisia ŭ vytvorčaści rakiet naziemnaha baziravańnia, ale śćviardžajuć, što nie parušajuć ustanoŭlenych DRSMD limitaŭ», — zajaviŭ Vud, dadaŭšy, što ŭ takoj situacyi ZŠA bolš nie mahli tryvać.
Biełavusaŭ na heta adkazaŭ, što ŭ Rasii jość da ZŠA pytańni pa vykanańni ŭmoŭ DRSMD jašče z 2000 hoda.
«Niadaŭna na pasiadžeńni [kamiteta] Złučanyja Štaty zajavili, što Rasija rychtujecca da vajny. My rychtujemsia abaraniać našu radzimu, našu terytaryjalnuju cełasnaść, našy pryncypy, našy kaštoŭnaści, našych ludziej — my rychtujemsia da takoj vajny», — zajaviŭ Biełavusaŭ.
Jon adznačyŭ, što ŭ hetym u Rasii jość surjoznaje adroźnieńnie ad Amieryki, jakoje «ŭ linhvistyčnym płanie» zvodzicca da adnaho słova.
«Rasijskaja Fiederacyja rychtujecca «da vajny», a Złučanyja Štaty rychtujuć «vajnu». «Inakš navošta Złučanym Štatam vychodzić z damovy, naroščvać jadzierny patencyjał, prymać novuju jadziernuju daktrynu », — zajaviŭ pradstaŭnik Rasii.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary