12-y čempijon śvietu pa šachmatach Anatol Karpaŭ pryjechaŭ u Brest dla ŭdziełu ŭ cyrymonii ŭznaharodžańnia pieramožcaŭ Kubka Karpava, pieradaje BiełTA.
Turnir pravodzicca siońnia ŭ ramkach II Mižnarodnaha šachmatnaha fiestyvalu «Čornaja pieška». Zapłanavanyja lekcyja i majstar-kłas Anatola Karpava ŭ bresckim šachmatnym kłubie.
Ranicaj 4 listapada 2018h. u Breście adbyłasia pres-kanfierencyja Anatola Karpava, dzie jon vysoka acaniŭ Biełaruś jak miesca praviadzieńnia Suśvietnaj šachmatnaj alimpijady.
«Pravieści šachmatnuju alimpijadu niaprosta: treba pryniać adnych tolki ŭdzielnikaŭ da 2 tysiač, nie ličačy amataraŭ šachmat, turystaŭ. Paralelna z Alimpijadaj pravodzicca kanhres. Tamu toje, što Biełarusi ŭdałosia zavajavać heta prava, — vialikaje dasiahnieńnie. Ciapier treba dobra padrychtavacca i pravieści», — zajaviŭ Anatol Karpaŭ.
Minsk ŭ 2022 hodzie prymie 45-ju Suśvietnuju šachmatnuju alimpijadu, padrychtoŭka da jakoj užo pačałasia. Zbornaja Biełarusi płanuje vystupić na chatnim turniry tryma składami.
Staršynia Biełaruskaj fiederacyi šachmat, vice-prezident FIDE Anastasija Sarokina zaprasiła lehiendarnaha šachmatysta stać hanarovym hościem alimpijady i tych padziejach, jakija buduć joj papiaredničać. «U nas budzie žanočy i mužčynski Kubki śvietu — u 2020 i 2021 hadach adpaviedna. Akramia taho, u nastupnym hodzie, kali ŭ Breście budzie znoŭ prachodzić Kubak Karpava, my pastarajemsia zaviaršyć rekanstrukcyju našaha Pałaca šachmat u Minsku. Spadziajusia, vy voźmiecie ŭdzieł u jaho adkryćci», — skazała Anastasija Sarokina.
Kamientary