Katalicki śviatar: Chryścijanin nie pavinien ustupać u BRSM

«Ci mahu ja ŭstupić u BRSM? Čamu niekatoryja heta ličać niapravilnym?» Z takim pytańniem časam źviartajecca da śviataroŭ moładź. Adkaz daje ks. Andrej Radzievič, piša catholic.by.

Pytańnie heta siońnia vielmi aktualnaje i chvaluje mnohich biełaruskich junakoŭ i dziaŭčat.

Napačatku treba skazać, što Kaścioł nie vykazvaŭsia aficyjna pra moładzievuju arhanizacyju BRSM i što aficyjnaj zabarony ŭstupać u jaje niama.

Choć varta ŭzhadać i pra pryncyp, što nie ŭsio toje, što nie zabaroniena, abaviazkova dazvolena. Mnie vielmi padabajecca druhaja častka pytańnia, dzie chutčej śćviardžajecca, što prynaležnaść da hetaj arhanizacyi dla chryścijanina niapravilnaja. Bo tut my kažam nie stolki pra zabaronu Kaściołam, kolki pra razumieńnie samim čałaviekam, čamu nie treba ŭstupać u takuju arhanizacyju.

Ja liču, što dziciačyja i moładzievyja arhanizacyi pavinny być. Pakolki ŭ dobraj arhanizacyi, jakaja pabudavana na stanoŭčych pryncypach, małady čałaviek maje šanc bolšaha raźvićcia, samarealizacyi, vychavańnia ŭ sabie mnohich dobrych rysaŭ. Adnak paŭstaje pytańnie, ci kožnaja arhanizacyja dobraja i ci kožnaja słužyć duchoŭnamu i maralnamu ŭzrastańniu čałavieka.

Kali my kažam pra BRSM, to treba jasna adznačyć, što hetaja arhanizacyja, zrešty, jak napisana ŭ jaje statucie, źjaŭlajecca spadkajemcaj Leninskaha kamunistyčnaha sajuza moładzi — kamsamołu.

U svaju čarhu kamsamoł budavaŭsia na kamunistyčnych, a značyć antyrelihijnych pryncypach. U samim statucie kamsamołu zhadvałasia, što kožny, chto naležyć da hetaj arhanizacyi, maje abaviazak «rašuča zmahacca ź lubymi prajavami buržuaznaj ideałohii, relihijnymi zababonami i inšymi čužymi sacyjalistyčnamu ładu žyćcia pohladami i zvyčajami».

Tut treba skazać, što Katalicki Kaścioł ź pieršaj chviliny isnavańnia kamunizmu jasna vykazaŭsia suprać jaho idej. Užo ŭ 1846 h. papa Pij ICH u encyklicy Qui pluribus asudziŭ kamunistyčnuju daktrynu, nazvaŭšy jaje ahidnaj. Potym Papa Leŭ XIII u encyklicy 1878 h. Quo apostolici muneris akreśliŭ ideałohiju kamunizmu jak «śmiarotnuju zarazu, jakaja ahortvaje ŭnutranyja orhany čałaviečaha hramadstva i viadzie jaho da kančatkovaha kryzisu».

Rašučaje asudžeńnie kamunistyčnaj ideałohii było sfarmulavana ŭ vydadzienaj u 1937 h. encyklicy papy Pija XI Divini Redemptors. Pantyfikat Pija XI — heta čas biaźlitasnaj baraćby kamunistyčnaha tatalitaryzmu z Katalickim Kaściołam. U roznych krainach z roznaj mocaj viałasia baraćba z katalictvam. Tak było i ŭ Biełarusi. Papa Pij CHII taksama adnaznačna asudziŭ kamunizm u svaich dakumientach ad encykliki Orientales omnes Ecclesias (1945) da encykliki Ad Apostolorum Principis (1958) i encykliki Meminisse iuvat (1958), ličačy kamunistyčny ateizm najvialikšaj pahrozaj dla Katalickaha Kaścioła.

Hledziačy na historyju, my śćviardžajem, što kamunizm maje na svaim sumleńni vielizarnuju kolkaść čałaviečych achviaraŭ, jakich treba ličyć u dziasiatkach miljonaŭ. Kamunistyčnyja kiraŭniki imknulisia da realizacyi svaich metaŭ, nie zvažajučy na čałaviečaje žyćcio. Hałoŭnaj ź idej kamunizmu była baraćba z relihijaj. Hetaja sistema źniščyła šmat śviatyniaŭ i zabiła šmat duchoŭnych i śvieckich viernikaŭ. Va ŭsio heta byŭ umiašany taksama kamsamoł. Heta kamsamolcy časta pasyłalisia niščyć śviatyni, a navat zabivać duchavienstva.

Pamiataju, jak jašče padčas pracy ŭ Hrodnie ja byŭ zaprošany na takija sustrečy, dzie ŭdzielničali pradstaŭniki Katalickaha Kaścioła, Pravasłaŭnaj Carkvy i pradstaŭniki arhanizacyi BRSM i pijanieraŭ. Była mahčymaść zadavać pytańni. I pravasłaŭny śviatar zapytaŭ pradstaŭnika BRSM ab statucie hetaj arhanizacyi, jaje metach i mietadach dziejnaści i tym, čym jana adroźnivajecca ad kamsamołu. Pradstaŭnik BRSM adkazaŭ, što ŭ hetaj arhanizacyi mety inšyja, čym u kamsamoła, adnak mietady pracy padobnyja. I tady śviatar skazaŭ, što ŭ adnoj z parafij kamsamolcy ŭ svoj čas zabili baciušku łapatami, a BRSM pakinuŭ tyja samyja mietady.

Usio heta pakazvaje, što kamsamoł byŭ antychryścijanskaj, biazbožnaj i ateistyčnaj arhanizacyjaj.

Kali BRSM — spadkajemca kamsamoła, to vierujučy čałaviek nie pavinien ustupać u arhanizacyju, jakaja maje takuju historyju i taki fundamient.

Z žalem naziraju, kali ŭ kastryčniku hetaha hoda ŭ niekatorych miescach byli płakaty z kamsamolskim značkom ź Leninym i nadpisam «Eto naša s toboj istorija». Tak, heta historyja, ale ž historyja, u jakoj niama čym hanarycca. Adno biezumoŭna: na hniłym fundamiencie nie pabuduješ dobry budynak.

Na fundamiencie kamsamołu nie pabuduješ siońnia dobruju moładzievuju arhanizacyju. Kali my sapraŭdy kłapocimsia pra moładź, to patrebna parvać ź biazbožnym kamsamołam, asudzić kryvavy kamunistyčny teror i pačać budavać štości novaje: arhanizacyju, jakaja budzie vychoŭvać moładź lubić svaju Ajčynu, lubić svaju ziamlu, jaje movu, kulturu i tradycyi.

• 0
• 0
• 0
• 0
• 0
• 0
• 0
• 0