Zdareńnie adbyłosia ŭ subotu ranicaj, paviedamlaje BiełTA sa spasyłkaj na homielskuju abłasnuju milicyju.
U 10.50 na śpiecliniju 102 patelefanavała žycharka vioski Karavyšań. Žančyna raspaviała, što nieviadomy mužčyna z strelbaj vyjšaŭ z zaraśnikaŭ maliny z boku pola i pajšoŭ pa harodzie, stralajučy ŭ bok damoŭ. Jana taksama paviedamiła, što adzin z strełaŭ trapiŭ u ścianu haraža. Da miesca zdareńnia nieadkładna byli nakiravanyja narady DAI, Departamienta achovy, uźniaty pa tryvozie bajavy atrad AMAPa.
U vioscy supracoŭniki Homielskaha RAUS ŭbačyli mužčynu ŭ kamuflažy z zaplečnikam i strelbaj. Chutka jon byŭ zatrymany.
Vyśvietliłasia, što 43-hadovy hamialčanin maje dakumienty na prava našeńnia i zachoŭvańnia palaŭničaj strelby, a taksama palaŭničuju pucioŭku na zdabyču dzičyny.
Siońnia jon vyrašyŭ upalavać zajca, ale nie ŭličyŭ, što kateharyčna zabaroniena stralać na adlehłaści mienš za 200 m ad krajniaha budynka nasielenaha punkta.
Palaŭničy išoŭ ź lesu ŭ bok harodaŭ i zaŭvažyŭ zajca. Zrabiŭšy streły, mužčyna patrapiŭ u cel. Zabraŭšy zdabyču, jon pajšoŭ u les, dzie razabraŭ jaje i pakłaŭ u zaplečnik, a zatym viarnuŭsia ŭ viosku, dzie i byŭ zatrymany milicyjantami
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy2
Kamientary