Ukrainskija kibierpalicejskija vyličyli chakiera, jaki madyfikavaŭ adnu z škodnasnych prahram i zaraziŭ joju amal 2 tysiačy pryład bolš čym 50 krainach śvietu. Paviedamleńnie pra heta raźmieščana na sajcie Nacyjanalnaj palicyi.
Rabotniki kibierpalicyi padčas praviadzieńnia dasudovaha rasśledavańnia vykryli ŭ datyčnaści da ździajśnieńnia złačynstva 42-hadovaha žychara Lvoŭskaj vobłaści. Na svaim kampjutary jon ustalavaŭ prahramny centr kiravańnia trajanskaj prahramaj i madyfikavaŭ jaje. U dalejšym złamyśnik raspaŭsiudžvaŭ klijenckija viersii virusa», - havorycca ŭ paviedamleńni.
Śpiecyjalisty kibierpalicyi vyśvietlili, što madyfikavany chakieram trajan DarkComet davaŭ jamu poŭny dostup da zaražanych kampjutaraŭ. U pryvatnaści, škodnasnaja prahrama davała mahčymaść zahružać i spampoŭvać fajły, kiravać aŭtazahruzkami i rejestram, stavić na kampjutar inšyja prahramy i vydalać ich, rabić skrynšoty z addalenaha ekrana, pierachoplivać huk ź mikrafona i videa sa ŭbudavanych ci źniešnich kamier.
U virus DarkComet ŭbudavany kiejłohier (prahrama dla sčytvańnia nacisnutych kłaviš), manitor bufiera abmienu, a taksama nabor utylitaŭ dla pracy ź sietkaj, jakija dazvalajuć u tym liku vydalena vyklučać i pierazahružać źniešni kampjutar. Prahrama taksama sama inicyjuje złučeńnie z kirujučaj mašynaj.
U kvatery ŭ chakiera praviali pieratrus, padčas jakoha byli kanfiskavanyja kampjutar i noŭtbuk z fajłami škodnasnych prahram i skrynšotami ekranaŭ zaražanych kampjutaraŭ. Technika nakiravana na ekśpiertyzu.
Kamientary