Advakat supracoŭnicy MVD z Ufy, jakaja abvinavaciła traich kaleh u zhvałtavańni, upieršyniu prakamientavała situacyju.
«U nas usio narmalna — my žyvyja, samaje hałoŭnaje. A ludzi siadziać — heta toje samaje hałoŭnaje», — adznačyła Iryna Valijeva u intervju «HTRK Baškartastan».
U kancy kastryčnika 23-hadovaja dziaŭčyna-daznavalnica zajaviła, što u noč na 30 kastryčnika troje kaleh zhvałtavali jaje ŭ słužbovym kabiniecie.
Fota: readovka.ru
Čytajcie: Va Ufie troje palicejskich hvałtavali ŭsiu noč maładuju kalehu, a jana akazałasia dačkoj vysokaha načalnika
Pa spravie zatrymali načalnikaŭ adździełaŭ palicyi pa Ufimskim i Karmaskalinskim rajonach Baškiryi Eduarda Matviejeva i Sałavata Halijeva, a taksama kiraŭnika adździeła pa pytańniach mihracyi AMUS pa Ufimskim rajonie Paŭła Jaramačuka. Sud aryštavaŭ ich na dva miesiacy — da 31 śniežnia. Usich traich užo zvolnili z orhanaŭ unutranych spraŭ.
Čytajcie: Troje palicejskich čynoŭ, padazravanyja ŭ zhvałtavańni kalehi va Ufie, zvolnienyja
Pry hetym abarona abvinavačanych śćviardžaje, što dvoje z traich byłych palicejskich nie mahli ździejśnić złačynstva, bo ŭ noč na 30 kastryčnika znachodzilisia ŭ inšym miescy. Śledstvu pradstavili videazapisy, na jakich vidać, što dvoje z abvinavačanych u momant złačynstva znachodzilisia ŭ inšym miescy. Naprykład, Sałavat Halijeŭ nibyta byŭ u kaviarni:
Paciarpiełaja śćviardžaje, što złačynstva adbyłosia pamiž 22:40 i 00:30. A na videa zafiksavany čas 22:30.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary