Radykalny ŭkrainski palityk nazvała biełarusaŭ, jakija nie razumiejuć biełaruskaj movy, maralnymi kalekami
Skandalna viadomaja byłaja deputatka Viarchoŭnaj Rady Ukrainy Iryna Faryjon, jakaja pradstaŭlała ŭ parłamiencie nacyjanalistyčnuju partyju «Svoboda», aburyłasia rolikam, u jakim žurnalist źviartajecca da žycharoŭ Biełarusi na rodnaj movie, a tyja nie razumiejuć i prosiać paŭtaryć.
«Uvažliva pasłuchajcie hetych krasamoŭnych vyradkaŭ. Bolšaha pačvarstva nie znajści. Maralnyja kaleki. Takich treba raśpichać pa reziervacyjach z nadpisam: infiekcyja maskvafilstva. Siarod nas taksama takija błukajuć. Zrabicie dla ich znachodžańnie va Ukrainie nievynosnym. Prosta radasna nie razumiejcie ich», — napisała Faryjon u svaim fejsbuku.
U kamientarach padtrymali Faryjon, adznačyŭšy, što padobnych ludziej nie brakuje i va Ukrainie:
«Biespraśvietnaja trahiedyja! Rydaju! Takaja čaroŭnaja i dobraja mova ŭžo amal stračanaja»;
«Ubohija ludcy, na žal, i ŭ nas takich chapaje…»;
«Maralnyja vyradki»;
«Hańba!»
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?7
Kamientary