Futbalist haniaje pa Minsku na darahoj mašynie i fiksuje «podźvihi»-parušeńni ŭ siabie ŭ instahramie VIDEA
Na adnym ź videa ŭ instahramie vidać, jak aŭtamabil Infiniti FX abjazdžaje vielizarny zator na vulicy Arłoŭskaj prosta pa tratuary, pakul astatnija kiroŭcy čakajuć. Rolik źniaty samim parušalnikam.
Pieršapačatkova videa źjaviłasia ŭ instahramie @automotive.by sa spasyłkaj na akaŭnt mierkavanaha parušalnika _l.i.72. U dopisie byŭ zhadany niejki Illa. Ale nieŭzabavie spasyłku na akaŭnt vydalili i zamianili zvarot «Illa» na «Voŭčyk». Akaŭnt _l.i.72 naležyć Illi Łuchviču — synu byłoha futbalista zbornaj i treniera «Minska». Chłopiec u instahramie raspaviadaje pra čorny Infiniti, pryhody, źviazanyja z aŭto, i traplaje ŭ ich užo nie ŭ pieršy raz.
19-hadovy Illa — starejšy syn Alaksandra Łuchviča. Chłopiec pajšoŭ pa śladach baćki, surjozna zaniaŭšysia futbołam. Pa ampłua jon napadajučy. Usiu dziciačuju karjeru pravioŭ u struktury FK «Minsk». U 2016-m debiutavaŭ za dubl «haradžan».
Fotaŭ i videa z mašynaj u instahramie Illi vielmi i vielmi šmat. Styl kiravańnia ŭ jaho śpiecyfičny.
Na adnym z kadraŭ mašyna pryparkavanaja na zialonaj zonie. Pad fota podpis: «Što chaču, toje i rablu».
Na hetym roliku vidać, jak jon abhaniaje mašyny, jakija chočuć paviarnuć naleva, i stanovicca ŭ pačatak čarhi. Pry hetym jon kamientuje i abražaje inšych kiroŭcaŭ.
Aściarožna, nienarmatyŭnaja leksika.
Tut kiroŭca Infiniti idzie na abhon praz dvajnuju sucelnuju.
A na inšym videa čałaviek za rulom Infiniti abhaniaje ŭsich prosta pa abočynie.
Dazvalaje sabie hnać pa dvajnoj sucelnaj pałasie, vykarystoŭvajučy majački, padobnyja na śpiecsihnały DAI.
U hetym vypadku čałaviek za rulom Infiniti praź zialonuju zonu i bardziury pajechaŭ na parkoŭku. Kali vieryć podpisu, kiroŭcu prosta nie spadabałasia, što chtości doŭha ŭzdymaŭ šłahbaum.
A tut Illa vyrašyŭ pakatacca pa tratuary ŭ rajonie Pałaca sportu i byŭ zaŭvažany supracoŭnikami Dziaržaŭtainśpiekcyi.
Jeździć pa raździalalnaj zonie kiroŭca taksama nie saromiejecca.
Kamientary