U vioscy Bujnovičy Lelčyckaha rajona sapiory vajskovaj čaści ŭnutranych vojskaŭ 5525 vyciahnuli sa stoha siena 100-kiłahramovuju avijacyjnuju bombu, paviedamlaje milicyja.
Pra bojeprypas u milicyju paviedamiła haspadynia ŭčastka. Pakłaŭ tudy bombu niekalki hadoŭ nazad jaje muž-niabožčyk.
Mužčyna adpiłavaŭ chvastavuju častku bomby, zatym schavaŭ u sienie i pryhraziŭ žoncy, kab jana nikomu pra heta nie raskazvała.
U miescy raśpiłu znachodziŭsia tratył. Nieviadoma, dzie mužčyna znajšoŭ avijabombu, jak zdoleŭ transpartavać, a samaje hałoŭnaje, čamu ŭ vyniku ŭsich manipulacyj jana nie vybuchnuła — tam byŭ uzryvalnik, heta značyć bomba znachodziłasia ŭ bajavym stanie.
Bombu źniščyli na palihonie.
Kamientary