Były lidar «Pravaha aljansu» Juraś Karetnikaŭ staŭ alternatyŭnym dyrektaram «Biełhaziety»
Kirył Žyvałovič, jaki vałodaje 75% statutnaha fondu «Biełhaziety», u bary «Biršou» pradstaviŭ novaha kiraŭnika vydańnia. Dyrektaram haziety staŭ Juryj Karetnikaŭ.

Karetnikavu 37 hadoŭ. Jon prajšoŭ praź niezarehistravanuju Partyju Svabody, a taksama byŭ lidaram «Pravaha aljansu». U vieraśni 2011 «Pravy aljans» abvieściŭ pra spynieńnie palityčnaj dziejnaści.
Padčas vybaraŭ 2010 hoda pradstaŭniki «Pravaha aljansu» byli ŭ achovie Uładzimira Niaklajeva. Paśla hetaha Karetnikaŭ na niejki čas źjazdžaŭ ź Biełarusi ŭ Kijeŭ. Pa viartańni adsiedzieŭ na Akreścina 10-sutačny aryšt.
Sam Juraś Karetnikaŭ na pres-kanfierencyi zajaviŭ, što pryjšoŭ u «Biełhazietu», kab vydańnie nie stała nieaficyjnym ruparam Kramla.
Učora stała viadoma, što dyrektaram «Biełhaziety» staŭ pravaabaronca Andrej Bandarenka, ale Žyvałovič nie zhodny z takim rašeńniem.
Usie pryznajuć, što «Biełhazieta» ciapier u składanych finansavych umovach.
Apošnim časam Karetnikaŭ byŭ kiraŭnikom rekłamnaha ahienctva «Kula-Miedyja».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary