Spravu hałoŭnaha redaktara budzie razhladać sud Zavodskaha rajona Minska, praces budzie vieści sudździa Alaksandr Pietraš.
Praces nad hałoŭnym redaktaram Tut.by Marynaj Zołatavaj pačniecca 12 lutaha. Spravu budzie razhladać sud Zavodskaha rajona Minska. Adnak, chutčej za ŭsio, praces projdzie ŭ budynku suda Maskoŭskaha rajona Minska, dzie jość prastorniejšyja pamiaškańni. Upieršyniu ŭ historyi sučasnaj Biełarusi buduć sudzić hałoŭnaha redaktara ŚMI pa abvinavačvańni ŭ złačynstvie, źviazanym z prafiesijnaj dziejnaściu.
Nahadajem, Maryna Zołatava zastałasia adzinaj abvinavačvanaj pa «spravie BiełTA», astatnija fihuranty — 14 supracoŭnikaŭ roznych ŚMI — byli vyzvalenyja ad kryminalnaj adkaznaści z pryciahnieńniem da administracyjnaj. Akramia štrafaŭ žurnalisty byli abaviazany kampiensavać pradjaŭlenuju škodu. Sumy roznyja — ad 3 da 17 tysiač rubloŭ.
Hałoŭnaha redaktara Tut.by abvinavačvajuć pa č. 2 art. 425 Kryminalnaha kodeksa (Biaździejnaść słužbovaj asoby), sankcyja artykuła — ad štrafu i da 5 hadoŭ pazbaŭleńnia voli.
-
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu
-
«Dumali, bandyty, akazałasia — palicyja». Udzielniki pierastrełki ŭ Polščy raskazali svaju viersiju, ale pytańniaŭ mienš nie stała
-
Z-za školnaj party — u namiot na 15 čałaviek. Jak staršakłaśnikaŭ buduć prymusova rychtavać da słužby
Kamientary