Pavodle niepaćvierdžanaj infarmacyi, Alaksandr Baroŭski vyjšaŭ na volu pa akcie pamiłavańnia.
Z babrujskaj kałonii vyzvaleny były staršynia kancerna «Biełnaftachim» Alaksandr Baroŭski,paviedamiŭ BiełaPAN jaho advakat Dźmitryj Haračka sa spasyłkaj na svajakoŭ eks‑źniavolenaha. Pavodle aficyjna nie paćvierdžanaj infarmacyi,
A.Baroŭski vyjšaŭ na volu pa akcie pamiłavańnia.
27 sakavika hetaha hoda rašeńniem Viarchoŭnaha suda A.Baroŭski byŭ pryhavorany da piaci hadoŭ pazbaŭleńnia voli.
Jon byŭ pryznany vinavatym u złoŭžyvańni słužbovymi paŭnamoctvami, učynienym z asabistaj zacikaŭlenaści, što paciahnuła pryčynieńnie istotnaha ŭronu dziaržavie. Na padstavie častki 2 artykuła 424 Kryminalnaha kodeksu A.Baroŭski byŭ asudžany na piać hadoŭ pazbaŭleńnia voli z adbyvańniem pakarańnia ŭ kałonii ahulnaha režymu, a taksama na try hady pazbaŭleny prava zajmać kirujučyja pasady ŭ dziaržaŭnych arhanizacyjach i na pradpryjemstvach.
Zajaŭleny hienprakuraturaj u intaresach AAT «Naftan» isk u dačynieńni da A.Baroŭskaha na sumu 3 młrd. 428 młn. 800 tys. rubloŭ sud pakinuŭ biez zadavalnieńnia.
Na stadyi papiaredniaha rasśledavańnia z padsudnaha byli źniaty dva z troch pradjaŭlenych abvinavačańniaŭ: va ŭčynieńni złačynstvaŭ, praduhledžanych art. 210 (kradziež šlacham złoŭžyvańnia słužbovymi paŭnamoctvami) i art. 375 (naŭmysnaje raskryćcio źviestak, jakija składajuć słužbovuju tajnu) Kryminalnaha kodeksa.
Pryhavor A.Baroŭskamu kasacyjnamu abskardžańniu i apratestavańniu nie padlahaŭ.
Kiraŭnik «Biełnaftachima» byŭ zatrymany 29 maja 2007 hoda. Na hetuju pasadu jon byŭ pryznačany 27 śniežnia 2005 hoda.
Pavodle nieaficyjnaj infarmacyi, adrazu paśla vyzvaleńnia 57‑hadovy A.Baroŭski pajechaŭ u carkvu.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary