Palityčnaj pamyłkaj kiraŭnik MUS Ukrainy Arsien Avakaŭ nazvaŭ słovy staršyni frakcyi «Błok Piatra Parašenki» Artura Hierasimava ab tym, što MUS zajmajecca niekalkimi spravami ab tak zvanych «sietkach vybarščykaŭ» — vałanciorach, jakich niezakonna apłačvajuć z vybarčaha štaba Piatra Parašenki. Hetaja zajava «trochi papachvaje šantažam — maŭlaŭ, nie rasśledujcie spravy našaj partyi», — zajaviŭ ministr u intervju vydańniu TheBabiel.
Avakaŭ paviedamiŭ, što MUS praciahnie rasśledavać parušeńni z boku ŭsich udzielnikaŭ vybaraŭ. Admoviŭšysia ŭdavacca ŭ detali, jon paćvierdziŭ, što adnym ź fihurantaŭ źjaŭlajecca narodny deputat ad BPP Siarhiej Bierazienka.
Pry hetym kiraŭnik viedamstva zajaviŭ, što abmiarkoŭvaŭ z Parašenkam toje, što «niedapuščalna padkuplać vybarščykaŭ». «Dziejučy prezident sa mnoj pahadžaŭsia», — skazaŭ Avakaŭ.
U hetym ža intervju ŭkrainski ministr zajaviŭ, što ŭ jaho viedamstvie zafiksavali supracoŭnictva Słužby biaśpieki Ukrainy i ŭltrapravych radykałaŭ.
Kamientary