Niahledziačy na kryzis, idały maskultury hrabuć šalonyja hrošy.
Pavodle rejtynhaŭ muzyčnych časopisaŭ, za hod na kancertnych hastrolach bolš za inšych zarabiŭ hurt Bon Džovi. U miežach turne pad nazvaju “Lost Highway”, z kastryčnika 2007 h pa lipień 2008 h, Džon Bon Džovi z muzykami zdabyli kala 210 młn dalaraŭ.
Na druhim miescy rejtynhu časopisa “Billboard” – nieŭmiručy Brus Sprynhstyn z svaim E Street Band. Turne śpievaka pad nazvaju “Magic” pryniesła jamu za hod 204 młn dalaraŭ. Na trecim miescy – turne Madony “Sticky & Sweet” (162 młn dalaraŭ).
Jubilejny tur hurta Police, u składzie Stynha, Endy Samersa i Ściuarta Koŭpłenda, akazaŭsia nie tolki nastalhičnym, ale i prybytkovym. “The Police Reunion Tour” dazvoliŭ muzykam zaličyć sabie na rachunki 150 młn dalaraŭ. Na piatym miescy rejtynhu – Selin Dyjon z turne “Taking Chances” . Adnak ža, padarožžy śpiavački jašče nie skončanyja, i jana maje ŭsie šansy pasunucca ŭ padlikach kudy vyšej. Pakul ža – 91 młn dalaraŭ.
U pieršuju dziasiatku najpaśpiachoviejšych muzyčnych hastraloraŭ taksama ŭvajšli čysta amierykanskija kreatury – kantry-śpiavak Kieni Čeśni, 67-hadovy vakalist i hitaryst Nejł Dajmand dy kantry-hurt “Rascal Flatts”. Z najdaražejšych “kambek”-turne vyłučylisia hastroli “Spice Girls” dy lehiendarnych łos-anžełaskich “Eagles”.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary