U kramie OZ.by 13 krasavika a 12:00 pa adrasie Pieramožcaŭ, 3 (stancyja mietro «Niamiha») adbudziecca aŭtohraf-siesija Kiryła Stasielki z nahody vychadu novaha ramana «Dzieviać žyćciaŭ Vita More».
Kampanija OZ.by upieršyniu ładzić na svajoj placoŭcy aŭtohraf-siesiju biełaruskamoŭnaha aŭtara. Padčas sustrečy Kirył raspaviadzie pra svoj novy raman «Dzieviać žyćciaŭ Vita More», jaho kancepcyju i asablivaści vydańnia knihi. U miežach imprezy budzie mahčymaść nabyć raman, atrymać aŭtohraf piśmieńnika i zadać jamu pytańni.
Novy raman Kiryła Stasielki «Dzieviać žyćciaŭ Vita More» pastaviŭ adrazu dva rekordy ŭ biełaruskaj litaratury: pa kolkaści žanraŭ i piersanažaŭ. U tvory, jaki maje niestandartnuju dla kłasičnych tekstaŭ strukturu, vykarystoŭvajecca adrazu 7 litaraturnych žanraŭ. Akramia taho, raman naličvaje bolš za 260 piersanažaŭ, što źjaŭlajecca rekordnaj ličbaj dla biełaruskaj mastackaj prozy.
«Dzieviać žyćciaŭ Vita More» ‒ zachaplalny, niepradkazalny, ekśpierymientalny tvor, jaki sumiaščaje roznyja litaraturnyja žanry i fiłasofskija kancepcyi ŭ adno cełaje. Čytač akuniecca ŭ šerah histaryčnych pieryjadaŭ i padziej, kantynientaŭ i krain ad Biełarusi da Jehipta, vialikich tvoraŭ ad Dante da Kafki, idej i kancepcyj ad nicšeanstva da prahmatyzmu.
Hety raman ‒ nie stolki litaraturny tekst, razmova aŭtara z čytačom, kolki dyjałoh čytača z samim saboj i ŭłasnym unutranym śvietam. Vita More ‒ nie prosta hałoŭny hieroj, asoba, ale vobraz, pratatyp, jaki, z adnaho boku, jadnaje nas, a ź inšaha ‒ vyjaŭlaje našu roznaść i ŭnikalnaść, vyjaŭlaje našy pamknieńni, strachi, čakańni i matyvy.
Papiarednija knihi aŭtara ‒ «Dziciačy manifiest» i «Marginalis» ‒ uvachodzili ŭ śpisy šerahu litaraturnych premij. U pryvatnaści, «Dziciačy manifiest» uvajšoŭ u šort-list Premii imia M. Bahdanoviča i łonh-list Premii imia Je. Hiedrojca. Raman «Marginalis» niekalki hadoŭ uvachodziŭ u śpisy biestsieleraŭ, u tym liku kramy OZ.by.
-
Čamu chobity žyvuć u biełaruskich vioskach, a elfy havorać starabiełaruskaj. Pierakładčyk «Vaładara Piarścionkaŭ» adkazvaje na ŭsie pytańni
-
Usio prosta: nie zdavajciesia. Sałman Rušdzi napisaŭ knihu, viarnuŭšysia ź miažy žyćcia i śmierci
-
Adkryŭsia pieradzakaz na novuju knihu pra Hary Potera pa-biełarusku
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»18
Kamientary