Alaksandr Łukašenka siońnia na naradzie pa pytańniach udaskanaleńnia dziejnaści sudoŭ ahulnaj jurysdykcyi padkreśliŭ absalutnuju niedapuščalnaść faktaŭ karupcyi ŭ samoj sudovaj sistemie, piša BiełTA.
«Moža być, u niejkaj stupieni i nabalełaje pytańnie baraćby z karupcyjaj — u krainie ŭ cełym. Nie skažu, što heta ŭžo tak raspaŭsiudžana ŭ sudziejskim korpusie.
Paradaksalna: sudy vynosiać vierdykty pa karupcyjnych złačynstvach i ŭ toj ža čas asobnyja sudździ sami parušajuć zakon. za apošnija niekalki hadoŭ šeść vašych kalehaŭ byli asudžanyja za karupcyju.
Nie skažu, što my prakantralavali ŭsiu sistemu na pradmiet karupcyi, ale fakt jość fakt. Vy viedajecie, kolki jašče zvolnili tych, chto zaplamiŭ siabie», — skazaŭ jon.
Pavodle jaho słoŭ, heta, biezumoŭna, kidaje cień na ŭsich sudździaŭ, u toj čas jak absalutnaja bolšaść pracuje sumlenna i dobrasumlenna. Pry hetym Alaksandr Łukašenka ličyć, što situacyja ŭ hetym płanie ŭ biełaruskaj sudovaj sistemie značna lepš, čym u šerahu inšych krain, u tym liku susiednich.
«Nieprymirymaja baraćba z karupcyjaj — sprava honaru samoj sudovaj sistemy. Čyścinia sudziejskich šerahaŭ — asnova jaje aŭtarytetu. Ludziej, schilnych da złoŭžyvańniaŭ, niačystych na ruku, treba vyjaŭlać i nieadkładna ad ich pazbaŭlacca, bo dalej budzie horš.
Tut ja padtrymlivaju pazicyju staršyni Viarchoŭnaha suda, jaki (pry maim samym žorstkim dačynieńni da karupcyjanieram) časam navat bolš žorstkija, čym prezident, aceńvaje niekatoryja fakty. I heta pravilna «, - dadaŭ biełaruski kiraŭnik.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary