Parłamient Hrecyi ŭchvaliŭ inicyjatyvu ab patrabavańniach pa vypłacie reparacyj da ŭrada Niamieččyny za razbureńni ŭ hady Druhoj suśvietnaj.
Rašeńnie było pryniata bolšaściu hałasoŭ. Da pačatku hałasavańnia ŭ padtrymku hetaha patrabavańnia vystupiŭ premjer-ministr Hrecyi Aleksis Cypras. U zvarocie da parłamientaryjaŭ jon zajaviŭ, što namier urada pradjavić zafiksavanaje piśmova patrabavańnie ab vypłacie kampiensacyi źjaŭlajecca «histaryčnym i maralnym abaviazkam».
«Urad Hrecyi maje namier nakiravać piśmovy zvarot uradu Fiederatyŭnaj Respubliki Hiermanija, u jakim paŭtoryć jaho nieadjemnyja patrabavańni, jakija vynikajuć z nacysckaha ŭvarvańnia i akupacyi, a taksama vajennych złačynstvaŭ nacysckaj Hiermanii», - paviedamiŭ jon. Cypras nahadaŭ, što na ŭzroŭni vusnych pieramovaŭ pytańnie abmiarkoŭvajecca prynamsi z 1995 hoda.
Afiny nieadnarazova ŭzdymali pytańnie ab nieabchodnaści pieraacenki škody, paniesienaj Hrecyjaj u hady Druhoj suśvietnaj vajny i vypłaty adpaviednych kampiensacyj. Hetaje pytańnie było aktualizavana paśla taho, jak kraina sutyknułasia ź ciažkim daŭhavym kryzisam u 2010 hodzie. Adnym z asnoŭnych kredytoraŭ Afinaŭ vystupała Niamieččyna.
U studzieni 2013 hoda rabočaja hrupa Minfina Hrecyi zajaviła, što sapraŭdnaja suma škody pieravyšaje ŭžo vypłačanyja reparacyi na €108 młrd. Heta suma, padkreślivali ŭ viedamstvie, nazyvajecca biez uliku pracentaŭ za amal 70 hadoŭ. Pałova hetych srodkaŭ prypadaje na kredyt u €54 młrd, jaki Bank Hrecyi pradastaviŭ Treciamu rejchu ŭ 1942 hodzie.
Ciapier čytajuć
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary