Sud u Rasii pryznaŭ UPA, AUN i Banderu «pamahatymi nacysckaj Hiermanii»
Akramia Bandery, «pamahatymi nacysckaj Hiermanii» pryznanyja jašče niekalki čałaviek.
Ćviarski rajonny sud Maskvy pryznaŭ Ukrainskuju paŭstanckuju armiju (UPA), źviazanuju ź joj Arhanizacyju ŭkrainskich nacyjanalistaŭ (AUN), a taksama dziesiać dziejačaŭ ukrainskaha nacyjanalistyčnaha ruchu, u tym liku lidara AUN Ściapana Banderu i kamandzira UPA Ramana Šuchieviča, «pamahatymi nacysckaj Hiermanii ŭ złačynstvach suprać čałaviečnaści ŭ hady Vialikaj Ajčynnaj vajny». Pra heta paviedamiła Hienieralnaja prakuratura Rasii.
U viedamstvie zajavili, što «hetaje rašeńnie maje važnaje značeńnie dla ŭšanavańnia pamiaci achviar hienacydu, raźviančańnia supraćpraŭnych dziejańniaŭ režymu ŭ Kijevie, admieny rašeńniaŭ ab reabilitacyi vajennych złačyncaŭ i spynieńnia aktaŭ ekstremizmu suprać Rasii».
Akramia Bandery i Šuchieviča, «pamahatymi nacysckaj Hiermanii» pryznanyja Vasil Bandera, Andrej Mielnik, Mikałaj Arsienič, Taras Baraviec (Bulba), Dźmitryj Klačkiŭski, Mikałaj Kazak, Miron Matvijka i Jarasłaŭ Ściacko.
UPA i AUN raniej byli pryznanyja ŭ Rasii «ekstremisckimi» arhanizacyjami, a ŭ 2024 hodzie Ministerstva justycyi Rasii ŭklučyła ich u tak zvany śpis «nacysckich» arhanizacyj.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary