Žychar Marjinaj Horki ŭ kramie pahražaŭ byłoj žoncy pistaletam i abiacaŭ jaje zabić, paviedamlaje UUS.
Pradaŭščyca zmahła vyklikać narad milicyi i paviedamiła, što niekalki chvilin tamu ŭ kramu, dzie jana pracuje pradaŭcom, zajšoŭ jaje były 28-hadovy muž, jon prystaviŭ pistalet da jaje hałavy i pahražaŭ zabić. U hety čas u kramu ŭvajšli dvoje naviedvalnikaŭ, mužčyna schavaŭ pistalet i reciravaŭsia.
U Marjinu Horku nakiravałasia hrupa AMAPu. Nieŭzabavie źjaviłasia infarmacyja, što mužčyna viarnuŭsia dadomu. Kali supracoŭniki UUS uvajšli ŭ kvateru padazravanaha, to pabačyli, što jon spaŭ u łožku. Mužčyna znachodziŭsia ŭ stanie ałkaholnaha apjanieńnia, tamu patłumačyć matyvy svajho ŭčynku i dzie znachodzicca pistalet nie zmoh. Pry ahladzie miesca žycharstva byŭ znojdzieny pnieŭmatyčny pistalet.
Mužčynu pasadzili ŭ izalatar, jamu pahražaje da dvuch hadoŭ pazbaŭleńnia voli.
Kamientary