Karavan estafiety ahniu II Jeŭrapiejskich hulniaŭ «Połymia miru» skora nablizicca da miežaŭ Biełarusi, i pieršym jaho prymie Brest - užo 12 maja, paviedamili BiełTA ŭ Fondzie «Dyrekcyja II Jeŭrapiejskich hulniaŭ 2019 hoda».
Maršrut pa terytoryi Bresckaj vobłaści pralaža praz najbolš značnyja miescy. Pa ich z 12 pa 13 maja «Połymia śvietu» praniasuć bolš za 60 fakiełanoscaŭ: Julija Nieściarenka, Juryj Vaščuk (Tea), Hieorhij Kałdun, Alena Vierabiej, Aleh Jurenia, Natalla Hiełach i inšyja viadomyja ŭradžency Bresckaha rehijonu - kab paznajomić žycharoŭ i haściej z najbujniejšym u historyi Biełarusi multyspartyŭnym forumam, jaki projdzie ŭ Minsku z 21 pa 30 červienia.
Estafieta «Połymia miru» startavała 3 maja ŭ Rymie i zavieršycca 21 červienia uračystym zapalvańniem čašy alimpijskaha ahniu na centralnaj arenie II Jeŭrapiejskich hulniaŭ - Nacyjanalnym alimpijskim stadyjonie «Dynama».
Usiaho ahoń hulniaŭ praniasuć praz 55 nasielenych punktaŭ na terytoryi 8 krain (Italija, Słavakija, Słavienija, Vienhryja, Aŭstryja, Čechija, Polšča i Biełaruś), a praciahłaść maršrutu składzie 7700 km. U estafiecie voźmuć udzieł 450 fakiełanoscaŭ, 100 vałancioraŭ i 10 zachavalnikaŭ ahniu.
U Biełarusi, jak čakajecca, jon projdzie ściežkami nacyjanalnaha parku «Biełaviežskaja pušča», spłavicca pa Aŭhustoŭskim kanale, naviedaje siadziby Kaściuški i Ahinskaha, zamki ŭ Miry i Navahradku, spuścicca ŭ solevyja šachty «Biełaruśkalija» i h.d.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki7
Kamientary