Łukašenka — Rumasu: Navošta vy mnie apisvajecie ŭvieś svoj hieraizm?

Alaksandr Łukašenka sabraŭ siońnia naradu pa aktualnych pytańniach ekanomiki, piša BiełTA

«Tradycyjna pa inicyjatyvie ŭrada my siońnia abmiarkujem błok ekanamičnych pytańniaŭ. Biahučych i, kali treba, na pierśpiektyvu. Chaciełasia b pačuć ad premjer-ministra i vice-premjeraŭ, jakaja situacyja ŭ nas z ekspartam. Naturalna, najvažniejšaje pytańnie — vałavy ŭnutrany pradukt. Jaki ŭ nas ruch u hetym kirunku?»

«Aficyjnuju statystyku ja viedaju. Na što my ŭ vyniku takoj dynamiki vyjdziem na kaniec hoda, ź jakimi pakazčykami? Ale ekspart mianie chvaluje bolš za ŭsio. Bo heta pastupleńni valuty ŭ krainu, bieź jakoj nam vielmi składana isnavać, dy i ekanomicy raźvivacca taksama», — dadaŭ jon.

Alaksandr Łukašenka asobna pacikaviŭsia, jak iduć spravy ŭ handli i ekanamičnym supracoŭnictvie z Rasijaj i Jeŭrasajuzam. «Dva asnoŭnyja našy partniory. Navat Jeŭrapiejski sajuz pa eksparcie zaraz apiaredžvaje Rasijskuju Fiederacyju», — adznačyŭ biełaruski lidar.

Kiraŭnik dziaržavy nahadaŭ ab zadačy pa dyviersifikacyi biełaruskaha ekspartu: pa tracinie ad ahulnaha abjomu na rynki Rasii, Jeŭrasajuza i krain dalokaj duhi adpaviedna. «Tady ekspart možna ličyć dyviersifikavanym», — padkreśliŭ Alaksandr Łukašenka.

Jon paznačyŭ dla abmierkavańnia i najaŭnyja prablemnyja pytańni ŭ handlova-ekanamičnym supracoŭnictvie, u pryvatnaści z Rasijaj. «Našumiełaja prablema «atrutnaj» hetaj nafty. Jakaja ciapier situacyja ŭ nas u hetym płanie? Ja pračytaŭ dakład i viarnuŭ jaho premjer-ministru. Vy mnie bolš nie pišycie hetyja dakłady. Vy prosta hublajecie čas, — skazaŭ jon. — Treba dva radki: čaho vy damahlisia stanoŭčaha za apošni čas. Navošta vy mnie apisvajecie uvieś svoj hieraizm, z kim vy tam sustrakalisia, z kim razmaŭlali, što abmiarkoŭvali, jak? Mnie patrebien vynik».

«Druhoje pytańnie — jano tak i nie źniata — pastaŭki sielhaspradukcyi na rasijski rynak. Pavodle majoj infarmacyi, na siońnia kala 60 biełaruskich pradpryjemstvaŭ poŭnaściu abo častkova zakryty dla pastavak na rasijski rynak. Dapracavać da taho (čaho nie było raniej), što my ŭžo padpisanyja handlovyja bałansy pa sielhaspradukcyi nia vykonvajem u suviazi z tym, što Rasieja nie vykonvaje svaje abaviazacielstvy. Čamu nie prymajucca miery?» — pastaviŭ pytańnie kiraŭnik Biełarusi.

Na naradzie miarkujecca abmierkavać i šerah inšych pytańniaŭ ekanamičnaha charaktaru. «Ja čamu na rańniaj stadyi ŭ hetym hodzie źviartaju vašu ŭvahu na hetyja prablemy - kab potym u čaćviortym kvartale hieraična nie pryjšłosia pieraadolvać hetyja pytańni i nahaniać upuščanaje», — dadaŭ kiraŭnik dziaržavy.

• 0
• 0
• 0
• 0
• 0
• 0
• 0
• 0