Hramadskaja kulturnickaja kampanija «Budźma biełarusami!» i Dziaržaŭny muziej historyi biełaruskaj litaratury zaprašajuć na majstar-kłas pa vyrabie aŭtarskich paštovak u technicy «vycinanka» ŭ miežach cykła majstar-kłasaŭ «Biełaruskija ramiostvy. Tradycyi i sučasnaść».
U naš chutkapłynny čas elektronnych listoŭ tak pryjemna atrymać u padarunak «žyvuju» paštoŭku, a kali hetaja paštoŭka da taho ž zroblenaja ŭručnuju, to jana tym bolš budzie hreć serca.
Paštoŭka — heta samy prosty sposab vykazać svaje pačućci i ščyryja pažadańni, univiersalny padarunak, jaki možna padaryć ź luboj nahody lubomu čałavieku. I ŭ toj ža čas, kali paštoŭka zroblenaja ź luboŭju svaimi rukami, to jana moža stać asablivym znakam uvahi.
A jak pryjemna pryhadvać niejkija znakavyja padziei i jarkija žyćciovyja momanty, razhladajučy paštoŭki!
My prapanujem padčas majstar-kłasa 29 traŭnia zrabić paštoŭki ŭ technicy «vycinanka». Heta vid narodnaha mastactva, raspaŭsiudžany ŭ Biełarusi ŭ XIX — pačatku XX stahodździa. Ź ciaham času dabrabyt nasielnictva pavialičvaŭsia, i pastupova vycinanka straciła svaju papularnaść, sastupiŭšy miesca novym sposabam dekoru žytła. Adnak siońnia dziakujučy sučasnym biełaruskim majstram vycinanka atrymała novaje mastackaje asensavańnie i novaje žyćcio.
Takim čynam, vycinanka — adnačasova i tradycyjnaje mastactva, i vielmi sučasnaje, ekałahičnaje i ŭniviersalnaje. Zajmacca vycinankaj moža kožny. Dla hetaha patrebnyja tolki nažnicy, papiera i fantazija!
29 traŭnia sakretami svajho majsterstva padzielicca Natalla Suchaja — mastačka, Narodny majstar Biełarusi, udzielnica šmatlikich vystavaŭ, aŭtar knih pa vycinancy. Tvory Natalli znachodziacca ŭ muziejach i pryvatnych kalekcyjach Biełarusi, Ukrainy, Litvy, Šviecyi dy inšych krain Jeŭropy.
Pa vynikach majstar-kłasa vy:
— atrymajecie zadavalnieńnie ad zachaplalnaha pracesu stvareńnia karunkavych uzoraŭ z papiery pad kiraŭnictvam majstra;
— zrobicie ŭnikalny padarunak dla blizkaha čałavieka;
— zasvoicie karysny navyk pa stvareńni aŭtarskich paštovak u technicy «vycinanka» i zmožacie rabić pryjemnaści svaim rodnym i siabram pry luboj nahodzie.
Dzie: Dziaržaŭny muziej historyi biełaruskaj litaratury (h. Minsk, vuł. M. Bahdanoviča, 13)
Kali: 29 traŭnia (sierada), 18:00
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać29
Kamientary