13 hadoŭ z žalezam u rebrach. Jak chłopiec z zapałymi hrudźmi staŭ madellu Calvin Klein
Hledziačy na hetaha pryhožaha padciahnutaha chłopca z šykoŭnaj fihuraj i čaroŭnaj uśmieškaj, składana pavieryć, što kaliści na jaho spałochana hladzieli navakolnyja, a potym jon dzień za dniom tryvaŭ žachlivy bol, piša manchesterevening.
Devid Džejms Sid z Mančestera, Anhlija, naradziŭsia z redkim rasstrojstvam — varonkapadobnaj hrudnoj kletkaj. Heta defarmacyja, pry jakoj u chvoraha nazirajecca asimietryčnaje pahłybleńnie ŭ rajonie hrudziej. Jak heta niaredka byvaje, chłopcu z-za defiektu dastavałasia niemałaja porcyja naviaźlivaj uvahi ad adnahodkaŭ.
«Heta stała prajaŭlacca, kali mnie było dziesiać. I dalej rabiłasia tolki horš. Ja tady chadziŭ u spartyŭnuju škołu, zajmaŭsia rehbi. I chłopcy ŭ raspranalni stali razhladać mianie, zadavać pytańni».
Kali chłopčyku spoŭniłasia 12 hadoŭ, lekary skazali, što defiekt možna vypravić. I jaho siamja pahadziłasia na składanuju apieracyju, u vyniku jakoj Devidu ŭstalavali mietaličny stryžań, jaki macujecca da rebraŭ z abodvuch bakoŭ. Jon pavinien byŭ viarnuć ich u narmalnaje stanovišča. I heta padzieja całkam źmianiła žyćcio Devida.
Niahledziačy na nievynosny bol, jakim supravadžaŭsia pieryjad adnaŭleńnia, chłopčyk byŭ nievymoŭna rady svajmu pieratvareńniu. Projdzie niekalki hadoŭ, i jon, pakručvajučy ciahlicami, padydzie da svajoj mamy i žartaŭliva kinie, što adnojčy stanie madellu. A ŭ 19 jaho na dabračynnym viečary zaŭvažyć nieznajomiec, jaki prapanuje chłopcu zaniacca madelnym biźniesam. Paśla buduć kantrakty z ahienctvami i supracoŭnictva z takim hihantam, jak Calvin Klein.
Niadaŭna 25-hadovy brytaniec padzialiŭsia ŭ «Instahramie» radasnaj viestkaj: praz mnoha hadoŭ mietaličnuju płaścinu narešcie dastali, bo ŭ joj bolš niama nieabchodnaści. Za hetyja hady jon nie tolki zdabyŭ upeŭnienaść u sabie, ale i abjeździŭ uvieś śviet, u jaho źjavilisia fanaty, Devid źbirajecca vieści ŭłasny błoh pra modu. I choča, kab ludzi viedali, što za pryhožaj karcinkaj ŭ sacsietcy staić cełaja historyja, poŭnaja bolu i pieramoh.
-
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
-
«Dziaŭčaty, heta realna pracuje!» Niaviesta Pratasieviča raskazała, jak pryvaražyła budučaha muža čyrvonymi trusami
-
Janocicha Jasienija, jakaja nielehalna pryjechała z ZŠA, znajšła muža ŭ Baranavičach
Kamientary