Tałačyn — Druck — Škłoŭ — Kopyś — Źvianiačy.
Fond «Kraina zamkaŭ» zaprašaje razam pašukać źnikłyja biełaruskija harady, jakija ŭ minułym byli važnymi ekanamičnymi i palityčnymi centrami.
Naprykład, Kopyś siońnia — haradski pasiołak, Druck — vioska. Tałačyn — choć i horad, rajonny centr, ale ŭ svajoj historyi navat paśpieŭ źmianić miescaznachodžańnie. A Škłoŭ heta zrabiŭ navat dvojčy! My pabyvajem na miescy troch haradoŭ, zvanych u roznyja epochi Škłovam. Nas čakajuć sustrečy ź cikavymi pomnikami architektury, archieałohii i historyi.
U Tałačynie ŭdzielniki ekskursii pabačać pravasłaŭnuju Śviata-Pakroŭskuju carkvu, u manastyry pry jakoj Napaleon pryniaŭ stratehiju adstupleńnia Vialikaj armii z Rasijskaj impieryi, kaścioł Antonija Paduanskaha.
U Drucku možna budzie ahledzieć vieličnaje zamčyšča i pomnik 1000-hodździa horada.
U Škłovie čakajuć ratuša i handlovyja rady, chramy i kałarytnyja pomniki — ahurku, hrafu Zoryču i akcioru Piatru Alejnikavu. A naviedvańnie miascovaha krajaznaŭčaha muzieja dapamoža zrazumieć, čamu hety horad nazyvajuć biełaruskim Paryžam.
U Kopysi ekskursanty pabyvajuć na Zamkavaj hary, dzie paru hadoŭ tamu zrabili renavacyju draŭlanych umacavańniaŭ.
Prajedzie ekskursijny aŭtobus i praz samuju viadomuju ŭ našaj krainie viosku — Aleksandryju, a taksama praz małuju radzimu mastaka Michaiła Savickaha — viosku Źvianiačy.
Razynki ekskursii: U Škłovie možna budzie pabačyć bischajm - leśvicu na habrejskich mohiłkach, jakaja simvalizuje čyściec dla duš pamierłych. Heta adziny taki pomnik na terytoryi Biełarusi.
U Źvianiačach ŭbačym toje, što nie zachavałasia ŭ šmatlikich haradach byłoha SSSR, ale zastałosia dziejnym ŭ hetaj vioscy - vadanapornuju viežu hipierbałoidnaj kanstrukcyi, pabudavanuju pa prajekcie inžyniera Šuchava.
Daviedacca padrabiaznaści i zapisacca na ekskursiju ŭ źnikłyja biełaruskija harady možna pa telefonach:
(17) 203-69-70
(17) 226-03-02
(29) 682-58-07
(29) 772-77-58
Bolej infarmacyi — na sajcie www.zamak.by.
Fond «Kraina zamkaŭ». UNP 690382807
-
Ciapier viadoŭcam treveł-šou «Aroł i reška» možna stać za hrošy. Kolki treba zapłacić?
-
Padletki stajać u čarzie, kab zrabić fota la padjezda na Niamizie — što tam adbyłosia?
-
«Ni razu nie zdoleła vymavić «Płošča Franciška Bahuševiča». Rasijanka pierajechała ŭ Biełaruś — i zachapiłasia biełaruskaj movaj
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary