Ale jaje seksualnaja aryjentacyja ničoha nie aznačaje. Isłandcy vielmi libieralnyja, i im niama nijakaje spravy da pryvatnaha žyćcia palitykaŭ.
U Isłandyi abvieščany novy skład uradu, jaki ŭznačalić žančyna, što adkryta zajaŭlaje pra svaju nietradycyjnuju sieksualnuju aryjentacyju.
Jochana Sihurdardotyr pryznačana novym premjer‑ministram krainy pa vynikach pieramovaŭ palityčnych partyj, što sfarmujuć uradavuju kaalicyju, i budzie vykonvać svaje abaviazki da ahulnanacyjanalnych vybaraŭ u sakaviku.
Minuły kabiniet na čale z premjer‑ministram Hiejram Chorde ŭ studzieni byŭ vymušany ŭ adstaŭku pad ciskam, vyklikanym katastrafičnym stanam ekanomiki krainy.
Jochanie Sihurdardocir — 66 hadoŭ. Jana były ministr u sacyjalnych pytańniach, uvachodzić u Sacyjał‑demakratyčny aljans.
Mnohija źviazvajuć ź jaje znachodžańniem na vysokaj pasadzie nadziei na źmieny dla hiejaŭ i leśbijanak.
«Jaje seksualnaja aryjentacyja ničoha nie aznačaje. Naš elektarat vielmi libieralny. Im niama nijakaje spravy da pryvatnaha žyćcia palitykaŭ», —kaža hienieralny sakratar Sacyjał‑demakratyčnaha aljansu Skuli Chiełhienson.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary