Bolš za ŭsio prezientacyja vośmaha numaru almanacha sučasnaje kultury pARTisan nahadvała słavuty fotazdymak biezymiannaha aŭtara «Partyzany na adpačynku ŭ Krymu».
Bolš za ŭsio prezientacyja vośmaha numaru almanacha sučasnaje kultury pARTisan nahadvała słavuty fotazdymak biezymiannaha aŭtara «Partyzany na adpačynku ŭ Krymie».
Kali ciahniki kultur-kankurentaŭ paskidanyja, masty-mify dekanstrujavanyja, non-kanfarmisckija bandyty-adščapiency pryłaščanyja i ŭłahodžanyja. Kali čarhovy numar časopisu vypuščany. Tut možna i pierakuryć. A pra što havorać partyzanaŭcy, kali nad lasnoj palanaj ścichajuć kryklivyja «vam‑zadańni» i skančajucca prasunutyja «misteryi‑akupacyi»? Viadoma, pra Boha. Tym bolš što sam vośmy numar pARTisan'u byŭ pryśviečany viery i jaje roli ŭ tvorčym pracesie. Adzin z aŭtaraŭ fiłosaf Valancin Akudovič paraŭnaŭ Usiavyšniaha z antykryzisnym mieniedžeram, jaki prychodzić, tolki kali nam kiepska, a tak my patreby ŭ im nie majem.
I biantežyŭ pytańniami prysutnych partyzanskich Dezdemon, ci ž malilisia jany siońnia zrańnia i ci buduć jany ŭviečary?
Viadoŭca, kulturołah Maksim Žbankoŭ zaznačyŭ, što sučasny čałaviek — ateist i paraŭnaŭ pachod na kancert Leanarda Koena (peŭna majučy na ŭvazie vopyt kanadyjskaj hierylji, bo kancerty Koena ŭ «Kazie» niešta nie prypaminajucca) da pachodu ŭ carkvu, kudy my taksama idziem pa cudy i ŭźniosłyja emocyi.
Mastak i piśmieńnik Artur Klinaŭ u čornym stroi lasnoha kapiełana prapaviedavaŭ revalucyju ŭ ajčynnym mastactvie, jakaja nieŭzamietki, ale ŭsio ž adbyvajecca ciapier, i prezientavaŭ jaje rečdok — svoj mastacki albom, što pieršym vyjšaŭ u sieryi «Kalekcyja pARTyzana».
Darečy, nieŭzabavie płanujecca vydać mastackija albomy, pryśviečanyja Vaškieviču i Kaškureviču. Naahuł, pavodle redkalehii pARTisan'u musiać vyjści kala 30 albomaŭ aktualnaha biełaruskaha mastactva. Paśla prezientacyi albomu pačałasia kulturnaja častka — hłamurna‑sakralny videa‑art ad chłopcaŭ z an angelico group. I na zaviaršeńnie admysłova dla viernikaŭ i paniaviercaŭ zuchavata ŭrezaŭ muzyčny pazityŭ «destruktyŭny pažarny arkiestr» Andreja Takindanha «Harotnica».
Takaja łahoda i suładździe ŭ lasnych łahierach našaj kultury ŭstaloŭvajecca tolki ŭ dvuch vypadkach: kali mastak‑partyzan pieramoh ŭsich niecharošych, abo naadvarot — kali, nabiŭšy huzaki, nie raŭnujučy Tom Kruz, ci nie ŭ treci raz pierakanaŭsia, što misija niemahčymaja.
prezientacyja vośmaha numara časopisa "pARTisan" Maksimam Žbankovym:
param>
prezientacyja prajekta «Kalekcyja pARTyzanu» Arturam Klinavym:
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary