Zajaviŭ 5 lutaha na pres‑kanfierencyi ŭ Minsku staršynia Kanstytucyjnaha suda Piotr Mikłaševič.
Pavodle jaho słoŭ, paśla taho jak teraryzm «staŭ realnaj pahrozaj biaśpiecy hramadzian va ŭsim śviecie, adpaviednyja miery stali prymacca na dziaržaŭnym uzroŭni».
«Vy viedajecie, było šmat infarmacyi, što ŭ pieršuju čarhu ŭ samaj demakratyčnaj dziaržavie śvietu — ZŠA — byŭ pryniaty šerah mier, jakija abmiažoŭvajuć pravy hramadzian, — skazaŭ P.Mikłaševič.
— Ja sam niadaŭna padčas pajezdki ŭ Kiejptaun padčas prachodžańnia nadhladu ŭ aeraporcie Stambuła źviedaŭ nie zusim pryjemnuju praceduru, padčas jakoj daviałosia zdymać abutak.Niahledziačy na dypłamatyčny pašpart i status, u metach biaśpieki mnie naroŭni z usimi daviałosia prachodzić taki kantrol».
MUS pravodzić masavuju daktyłaskapiju hramadzian paśla vybuchu samarobnaha prystasavańnia na pierasiačeńni praśpiektaŭ Mašerava i Pieramožcaŭ u noč na 4 lipienia padčas śviatočnaha kancerta z nahody Dnia niezaležnaści. Pa miedycynskuju dapamohu źviarnulisia 54 čałavieki; 47 ź ich, u tym liku dvoje dziaciej, byli špitalizavanyja. Pavodle dziejnaha zakanadaŭstva, daktyłaskapija źjaŭlajecca dobraachvotnaj, za vyklučeńniem šerahu vypadkaŭ. Ministr unutranych spraŭ Uładzimir Navumaŭ źviarnuŭsia ŭ Saviet biaśpieki i Saviet ministraŭ z prapanovaj unieści papraŭki ŭ zakon ab dziaržaŭnaj daktyłaskapičnaj rehistracyi, što dazvolić pravodzić daktyłaskapiravańnie ŭsich vajskoŭcaŭ. Ciapier abaviazkovaje daktyłaskapiravańnie pavinny prachodzić hramadzianie, jakija pryzyvajucca na słužbu. Inicyjatyvu U.Navumava padtrymaŭ hienieralny prakuror Ryhor Vasilevič.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary