Łukašenka — premjeru Hruzii: Biełaruś praciahnie nastojliva raźvivać adnosiny z Tbilisi
Biełaruś praciahnie nastojliva raźvivać adnosiny z Hruzijaj. Pra heta Alaksandr Łukašenka zajaviŭ siońnia na sustrečy z premjer-ministram Hruzii Mamukaj Bachtadze, piša BiełTA.
«My vielmi ciesna supracoŭničajem z usimi postsavieckimi respublikami, nie dzielim ich na drennych i dobrych. Dumaju, kali navat jość niejkija niedachopy i prablemy ŭ supracoŭnictvie, ich treba pieraadolvać — spakojna, ciarpliva. Što my i robim ź niekatorymi dziaržavami postsavieckaha pieryjadu. Vy ŭ hetym płanie možacie raźličvać, što my nastojliva, ciarpliva (choć my hety pieryjad užo prajšli) budziem raźvivać našy adnosiny na karyść biełaruskaha i hruzinskaha narodaŭ», — padkreśliŭ Alaksandr Łukašenka.
Tavarazvarot pamiž Biełaruśsiu i Hruzijaj za pieršaje paŭhodździe skłaŭ $ 37 młn, źniziŭšysia na 5% u paraŭnańni z anałahičnym pieryjadam minułaha hoda. Biełaruski ekspart źmienšyŭsia na 12,7% da $ 25,4 młn, adnak salda dla krainy skłałasia dadatnaje — $ 13,8 młn.
Asnovu biełaruskich pastavak u hetym hodzie sfarmavali sintetyčnyja nitki, małako i małočnaja pradukcyja, leki, elektryčnyja transfarmatary, pravady i kabieli. Z Hruzii impartavalisia minieralnaja vada, mocnyja śpirtnyja napoi, vinahradnyja viny, arechi, naftapradukty.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty47
Kamientary