Viadomy piśmieńnik, aŭtar knihi «Radziva Prudok», Andruś Horvat admoviŭsia ad udziełu ŭ litaraturnaj premii imia Hiedrojca.
Letaś Horvat napisaŭ knihu «Premjera», tamu moh udzielničać u konkursie. Adnak Horvat uziaŭ samaadvod. Čamu tak adbyłosia? Pra heta «NN» spytała ŭ samoha piśmieńnika.
«Ja b nie chacieŭ adkazvać, ale tady maim adkazam budzie «Admoviŭsia dać kamientar», tak? I heta budzie vyhladać jak kryŭda, jakuju ja demanstratyŭna ŭtojvaju. Papraŭdzie, nijakaj kryŭdy niama. Naadvarot, ja ŭdziačny PEN-Centru za šmatlikija zaprašeńni i prapanovy. Nikoli nie karystaŭsia imi, ale maju pryjaznyja stasunki z kiraŭnictvam. Pry sustrečy pacisnuć ruku hatovy.
Nie padzialaju i nie chaču padzialać teoryju zmovy i razmovy pra tusovački. Da členaŭ žury premii taksama nijakich pretenzij nie maju, niekatorych navat lublu. Pryčyna, pa jakoj ja admoviŭsia ad udziełu, nie źjaŭlajecca vynikam abjektyŭnych faktaraŭ, jana absalutna indyvidualnaja: prosta ja nie chaču hublać čas na piśmieńnickuju karjeru i akcentavać na joj svaju ŭvahu. U litpracesie, u jaki ja vypadkova trapiŭ, mnie padabajecca tolki pisać teksty. Usio astatniaje ja pa mahčymaści adsiakaju», — adkazaŭ Andruś Horvat.
Andrej Horvat naradziŭsia ŭ 1983 hodzie. Adzin z samych papularnych piśmieńnikaŭ Biełarusi. Pa jaho aŭtohrafy vystrojvajucca vialikija čerhi. Žyvie ŭ vioscy Prudok (Kalinkavicki rajon).
Raniej udzieł u premii Hiedrojca admoviŭsia brać Alhierd Bacharevič.
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary