Dziesiać novych vidaŭ amfibij znojdzieny ŭ Kałumbii
Navukoŭcy ŭžo achryścili daśledavanuju terytoryju Nojevym kaŭčeham praz toje, kolki tam žyvie roznaha źviarja.
Novyja vidy byli znojdzieny pad čas admysłovaj trochtydniovaj ekśpiedycyi navukoŭcaŭ z fondu Conservation International ŭ rajon Takarkuna niedaloka ad miažy z Panamaj. Akramia nieviadomych dla navuki amfibij, daśledčyki adznačyli jašče 50 inšych vidaŭ ziemnavodnych, 20 vidaŭ reptylij i amal 120 vidaŭ ptušak.
Novyja vidy, apisanyja navukoŭcami, ŭklučajuć try vidy šklanych žabak z radoŭ Nymphargus, Cochranella i Centrolene, try vidy atrutnych žabak z radoŭ Colostethus, Ranitomeya i Anomaloglossus, adnu žabku-arlekina z rodu Atelopus, dva vidy daždžavych žabak z rodu Pristimantis i adzin vid sałamandr (rod Bolitoglossa).Kałumbija i da hetaha adkryćcia ŭpeŭniena trymała pieršaje miesca ŭ Śviecie pa kolkaści vidaŭ amfibij na svajoj terytoryi – tam ich było viadoma až 754! (dla paraŭnańnia – ŭ Biełarusi tolki 14 vidaŭ amfibij).
Navukoŭcy ŭžo achryścili daśledavanuju terytoryju Nojevym kaŭčeham praz toje, kolki tam žyvie roznaha źviarja,i za vialikaje značeńnie mienavita hetych miescaŭ, jakija jany adyhryvajuć u jakaści mosta pamiž pryrodaj Centralnaj i Paŭdniovaj Amieryki.
Navukovy dyrektar kałumbijskaha adździaleńnia fonda Conservation International Chase Visente Radryhies-Machieča (Jose Vicente Rodriguez-Mahecha) vykazaŭ nadzieju, što apošniaje adkryćcio dapamoža nadać achoŭvany status haram Takarkuna. I chacia davoli vialikija płoščy pravincyi Daryjen užo achoŭvajucca dziaržavaj, adnak pazastałyja pryrodnyja terytoryi źniščajucca pry zahatoŭcy draŭniny, rasčystcy lesu pad ranča dla raźviadzieńnia bydła i paletki, vykarystoŭvajucca dla palavańnia i zdabyčy karysnych vykapniaŭ.
Ciapier čytajuć
Kalekcyju karcin Viktara Babaryki raspradajuć ź vialikimi źnižkami. Ale biez samaha darahoha dla jaho tvora2
Kamientary