U Čačersku 22-hadovy chłopiec pabiŭ dvuch 42-hadovych mužčyn, tamu što «nie padzialili» dziaŭčat
Dvoje 42-hadovych mužčyn źviarnulisia pa dapamohu da milicyjanieraŭ pobač z kinakancertnym kompleksam «Kastryčnik» u Čačersku, na dyskatecy. Pavodle ich słoŭ, na ich napaŭ chłopiec, jaki adnym udaram u hałavu «vyrubiŭ» adnaho ź siabroŭ, druhomu nanios udar pradmietam, padobnym da biejsbolnaj bity.
Jak vyśvietlili siłaviki, napad byŭ choć i niečakanym, ale nie vypadkovym. Niezadoŭha da hetaha mužčyny pasvarylisia z 22-hadovym chłopcam z-za dziaŭčat. Toj abvinavaciŭ ich u tym, što jany prystali da «jaho» dam i tym samym vielmi abrazili. Paśla svarki mužčyna adyšoŭ, adnak praź niekalki chvilin napaŭ na apanientaŭ zzadu.
U vyniku ŭ abodvuch paciarpiełych dyjahnastavali traŭmy, jakija, zrešty, nie pryviali da špitalizacyi. A voś raŭnivy žychar Čačerska moža «prysieści» na termin da dziesiaci hadoŭ — na jaho zaviali spravu pa častcy 3 artykuła 339 KK Respubliki Biełaruś (asabliva złosnaje chulihanstva). Sam jon vinu svaju pryznaŭ.
Ciapier milicyjaniery hałoŭnym čynam šukajuć pryładu złačynstva — toj samy dziŭny pradmiet, padobny da bity.
Kamientary