Viernik paskardziŭsia ŭ Mininfarm na kyky.org za niaŭdałuju vyjavu Franciška. I patłumačyŭ čamu
Katalicki viernik Arciom Tkačuk aburyŭsia tym, što sajt kyky.org vykarystaŭ vyjavu papy Franciška ŭ jakaści zastaŭki da materyjału «Jak ź mianie djabła vyhaniali», na joj Francišak u rukach zamiest Sakramantu trymaje śpinier.
Spadar Tkačuk na svajoj staroncy ŭ fejsbuku raskazaŭ, što z hetaj nahody napisaŭ list u Minifarm z prośbaj źviarnuć uvahu na takoje niaŭdałaje vykarystańnie vobraza papy rymskaha. U liście jon rastłumačyŭ, čamu jon ličyć, što heta prafanacyja: «Najśviaciejšy Sakramant źjaŭlajecca hłyboka sakralnym dla katalikoŭ — heta śviataja śviatych. I voś zamiest Sakramantu na zdymku my bačym trymier (aŭtar błytaje śpinier z trymieram — «NN»). U tekście niama ani słova pra katalickich śviataroŭ, manachaŭ ci manachiniaŭ ci Kaścioł jak strukturu», — napisaŭ jon.
Mininfarm źviarnuŭsia da Kuku.org pa tłumačeńni, redakcyja napisała ŭ adkaz: «Pavodle pradstaŭlenych tłumačeńniaŭ, matyvam vykarystańnia ŭ vyšejnazvanaj publikacyi zdymka papy rymskaha Franciška było pakazać, što jon blizki moładzi i sučasnamu śvietu».
U svaju čarhu redakcyja Kuku.org adkazała na skarhu na svoj adras artykułam «KYKY abraziŭ pačućci viernikaŭ śpinieram».
«Ja ŭsio-taki schilajusia da dumki, što nielha maŭčać, kali ź ciabie vidavočna kpiać. Treba reahavać, kazać, kulturna i dastojna. Chryścijanie heta ž nie durački, jakim možna ŭstavić u ruki śpinier i skazać: my nie chacieli vas pakryŭdzić», — robić vysnovu Arciom Tkačuk u kancy dopisu.
Na sajcie Kuku.org, darečy, zastaŭku zamianili.
-
Biełarusy, jakim nie ŭdałosia atrymać adukacyjnyja dakumienty na radzimie, mohuć pastupać u polskija VNU pa śpiecyjalnaj pracedury
-
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
-
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary