Duel Žukoŭskaha i Tašujeva dy futbolny marafon u Minsku. Čaho čakać ad nastupnaha tura čempijanatu Biełarusi
Razam z Bukmiekierskaj kantoraj Marafon my viartajemsia ź mižnarodnaj paŭzy i anansujem 21-y tur vyšejšaj lihi.
Pakul nacyjanalnaja i maładziožnaja zbornyja hulali svaje matčy jeŭrakvalifikacyi, u čempijanacie Biełarusi adbylisia ažno dźvie trenierskija adstaŭki. Svaje pracoŭnyja miescy pakinuli Alaksiej Miarkułaŭ z «Homiela» i Vadzim Skrypčanka z «Tarpieda-BiełAZ».
Navinu z poŭdnia Biełarusi možna nazvać čakanaj, navat doŭhačakanaj — na apošni matč z «Isłačču» zaŭziatary «Homiela» prynieśli banier «Chvatit MIERKnuť», namiakajučy na proźvišča hałoŭnaha treniera. Ich žadańni narešcie byli pačutyja — ciapier treniravać «bieła-zialonych» budzie lehienda zbornaj Alaksandr Kulčy.
U Skrypčanki ž adnosiny z fanatami taksama byli nie najlepšymi — tyja, jak i hamielčuki, pryśviacili jamu banier «Chopić SKRYPieć», dadaŭšy da jaho hrafici «Skrypčanka — hańba Tarpieda».
U vyniku žodzincy zastalisia biez hałoŭnaha treniera. Taki krok z boku kiraŭnictva «Tarpieda-BiełAZ» vyhladaje dziŭnym: tak, apošnija vyniki kamandy składana nazvać stanoŭčymi, ale Skrypčanku varta było dać bolš času, bo jon, pa sutnaści, stvaraŭ u Žodzinie novuju kamandu paśla takoj ža dziŭnaj adstaŭki Aleha Kubarava. Trenierskaja ruletka dakładna nie pojdzie na karyść žodzinskaj kamandzie.
Ciapier pierachodzim da padziej nastupnaha tura.
«Tarpieda-BiełAZ» — «Nioman»
- 14.09, 16:00. Žodzina, stadyjon «Tarpieda».
- Kaeficyjenty: «Tarpieda» (pieramoha) — 1,77; ničyja — 3,58; «Nioman» (pieramoha) — 4,45
- Matč pieršaha kruha — 0:0
Na dvaich u žodzincaŭ i haradziencaŭ za apošnija 6 turaŭ — usiaho 1 pieramoha, i taja — techničnaja nad minskim «Tarpieda». Tamu sami razumiejecie, nakolki važnaj budzie hulnia dla abiedźviuch kamand.
Padčas paŭzy kłuby praviali sparynhi z zamiežnymi kamandami: «Tarpieda» pieramahło ŭ haściach tulski «Arsienał» (1:0), a «Nioman» doma zhulaŭ uničyju ź litoŭskim «Ryterajem» (1:1). Varta adznačyć, što hety matč byŭ dabračynnym — srodki źbiralisia dla haradzienskaha internata dla dziaciej z parušeńniami słychu.
Prahnoz «NN»: Z paharšeńniem vynikaŭ źniziŭsia i halavy patencyjał abiedźviuch kamand. U hulni, dzie vielmi važna zdabyć bały, składana čakać vialikaj kolkaści halavych momantaŭ i zabitych miačoŭ. Tamu sprahnazujem totał, mienšy za 2.5.
«Dynama-Brest» — «Minsk»
- 14.09, 18:30. ASK «Brescki».
- Kaeficyjenty: «Dynama» (pieramoha) — 1,31; ničyja — 5.25; «Minsk» (pieramoha) — 8,60
- Matč pieršaha kruha — 2:1
Pierad mižnarodnymi matčami barysaŭski BATE zrabiŭ kłasny prezient bieraściejcam, prajhraŭšy «Minsku». Ciapier «Dynama» navat pa zhublenych bałach apiaredžvaje barysaŭčan.
Ale ciapier «Minsk» jedzie ŭ Brest. Ci adbudziecca jašče adno źniaćcie skalpaŭ, abo «haradžanie» patrapiać pad bieraściejski katok?
Prahnoz «NN»: Abiedźvie kamandy pakazvajuć cikavy atakujučy futboł. U subotu viečaram, kali nadvorje nie paraduje, dakładna paradujuć futbalisty. Tamu prahnoz taki: totał, bolšy za 2.5.
BATE — «Haradzieja»
- 14.09, 20:45. «Barysaŭ-Arena».
- Kaeficyjenty: BATE (pieramoha) — 1,285; ničyja — 5,45; «Haradzieja» (pieramoha) — 9,20
- Matč pieršaha kruha — 0:1
My ŭsie dobra viedajem, jakija pryhody adbyvajucca z BATE ŭ Haradziei, ale na «Barysaŭ-Arenie» haspadary zvyčajna prablem nie adčuvajuć u hulni z «cukrovymi».
Moža, i dobra, što paśla vyletu ź jeŭrakubkaŭ i kryŭdnaj parazy ad «Minska» nastała paŭza — dobraja nahoda abnulicca i sabrać usie siły na apošniuju tracinu čempijanatu.
Prahnoz «NN»: Pieramoha BATE.
«Słavija» — «Enierhietyk-BDU»
«Słavija» ŭ minułym tury mieła ŭsie šancy adabrać bały ŭ bresckaha «Dynama» — pry liku 2:3 mazyrčuki atrymali prava na pienalci, ale nie zmahli jaho realizavać. Paśla hetaha prapuścili jašče adzin i prajhrali.
«Studenty» taksama mieli šaniec začapicca za hulniu z «Šachcioram» — niekatory čas minčuki hulali z kadravaj pieravahaj, ale taksama atrymali parazu, jakaja stała čaćviortaj u piaci apošnich matčach. A ničyja «Homiela» apuściła «Enierhietyk» u zonu vyletu.
Prahnoz «NN»: «Słavija» nie prajhraje. Za košt bolš daśviedčanaha i zhulanaha składu mazyrčuki zmohuć pieramahčy.
«Isłač» — «Šachcior»
U pačatku siezona «vaŭki» z «harniakami» hulali ŭ paŭfinale Kubka Biełarusi, dzie vydali dva jarkija matčy. Paśla byŭ matč čempijanatu, nie taki vynikovy, ale za im paciahnuŭsia šlejf varožaści pamiž Vitalom Žukoŭskim i Siarhiejem Tašujevym.
Ciapier znoŭ pryjšoŭ čas dakazać usio adzin adnamu na poli. Tym bolš «Isłač» nie moža pieramahčy voś užo try tury zapar.
Prahnoz «NN»: «Šachcior» pieramoža. U apošnich turach u prahnozach na pieramohu «Isłačy» my stabilna pamylalisia, tamu ciapier voś tak.
«Dynama-Minsk» — «Słuck»
U niadzielu možna zładzić futbolny marafon. Spačatku možna naviedać matč na «Kamvolščyku» (abo matč NFK suprać «Smarhoni» ŭ pieršaj lizie, jaki pačniecca a 16-j), a potym pajechać na «Dynama», dzie adnajmienny kłub budzie prymać «Słuck».
Niahledziačy na toje, što słuččaki ŭ pieršym kruzie pieramahli ŭ «Dynama», statystyka sustreč «cukrovych» z topavymi biełaruskimi kamandami zastajecca niezajzdrosnaj. Tym bolš u haściach.
Prahnoz «NN»: «Dynama» pieramoža. Niahledziačy na chatni razhrom «Viciebska», nie nadta vierycca ŭ pierśpiektyvy «Słucka».
«Viciebsk» — «Homiel»
Jak my raskazvali raniej, «Homiel» zastaŭsia biez Alaksieja Miarkułava. Matč z «Viciebskam», jaki daŭno žadaje, kab hety siezon prajšoŭ jak strašny son, stanie pieršym dla Alaksandra Kulčyja. I zvyčajna źmiena treniera stanoŭča adbivajecca na hulni kamandy.
«Viciebsk» padpisaŭ čarhovaha niezrazumiełaha zamiežnika. Im staŭ 30-hadovy rasijski forvard Alaksandr Prudnikaŭ, jaki maje bekhraŭnd z amal usich rasijskich kamand (u tym liku i topavych), ale ŭ apošni čas karjera Prudnikava ŭjaŭlaje saboj niešta niezrazumiełaje.
Prahnoz «NN»: «Homiel» nie prajhraje.
U suviazi sa źniaćciem z čempijanatu minskaha «Tarpieda» va ŭsich astatnich matčach «aŭtazavodcam» budzie prysudžana techničnaja paraza 0:3. Na hety raz pašancavała «Dniapro».
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Kamientary