Chto takaja En Karsan, abo Pieršy bukmiekierski śpis pad sioletniaha «nobiela»
Imia pieramožcy Nobieleŭskaj premii pa litaratury budzie abvieščana ŭ Stakholmie 10 kastryčnika. Sioleta bukmiekiery ŭsiaho za dva tydni da hetaj daty apublikavali svoj rejtynh.
Radyjo «Svaboda» pryvodzić razdrukoŭku bukmiekierskaj kantory NicerOdds sa śpisam najbolš imaviernych kandydataŭ na Nobieleŭskuju premiju pa litaratury.
Na pieršym miescy — 69-hadovaja kanadskaja piśmieńnica i paetka En Karsan. Jana viadomy elinist, abaraniła dysiertacyju pa tvorčaści ŭradženki Lesbasa, antyčnaj paetki Sapfo, pierakładała mnohich antyčnych aŭtaraŭ.
U svaje vieršy En Karsan ŭvodzić kłasičnuju mifałohiju. Pavodle knihi «Rasstvareńnie» (Decreation: Poetry, Essays, Opera) pra siaredniaviečnuju manašku-biehinku Marharytu Paretanskuju, jakuju spalili na vohniščy ŭ Paryžy, i relihijnaha fiłosafa XX st. Simonu Vejl pastaŭleny adnajmienny balet.
Na druhim miescy ŭ śpisie — francužanka Maryz Kande. Jana rodam z Hvadełupy — zamorskaha departamienta Francyi.
81-hadovaja piśmieńnica — aŭtar ramanaŭ, naveł, knih dla dziaciej i niekalkich teatralnych pjes. U 2018 hodzie joj prysudzili «alternatyŭnuju nobieleŭskuju premiju» «za daśledavańnie epochi kałanijalizmu, kaštoŭnaściaŭ tradycyj i kulturnaj spadčyny».
Na trecim radku kitajanka Džan Siue. Na čaćviortym — japonski aŭtar Charuki Murakami. Zamykaje piaciorku najbolš imaviernych uładalnikaŭ uznaharody rasijskaja piśmieńnica Ludmiła Ulickaja. Tvorčaść Ulickaj charaktaryzujuć jak «siamiejny raman».
Sioleta daduć dźvie premii, bo letaś z pryčyny seksualnaha i finansavaha skandału, źviazanaha z mužam paetki Kataryny Frostensan sa Šviedskaj akademii litaratury, premija nie prysudžałasia.
Nobieleŭski kamitet admoviŭsia ad uručeńnia premii pa litaratury 2018 hoda z-za seks-skandału
Fatohraf, z-za jakoha admianili Nobiela pa litaratury, atrymaŭ dva hady turmy
Kolki nasamreč ciahnucca pracoŭnyja pajezdki Łukašenki? Cikavyja ličby7
Kamientary