Andrejčanka: Biełaruś raźličvaje na status śpiecyjalna zaprošanaha ŭ PARIE
Pra heta jon zajaviŭ na sustrečy z delehacyjaj PARIE ŭ Minsku.
Nacyjanalny schod Biełarusi moh by atrymać status śpiecyjalnaha zaprošanaha ŭ Parłamienckaj asamblei Rady Jeŭropy na jaje čarhovaj siesii. Pra heta zajaviŭ staršynia pałaty pradstaŭnikoŭ Uładzimir Andrejčanka 16 lutaha na sustrečy z delehacyjaj PARIE ŭ Minsku.
«U hetym kirunku praviedziena značnaja praca. Siońnia nastupiŭ vielmi dobry momant, kali pa mnohich pazicyjach my razumiejem adzin adnaho», — skazaŭ jon.
U.Andrejčanka zajaviŭ, što parłamient Biełarusi «hatovy da kanstruktyŭnaha supracoŭnictva i dyjałohu z Radaj Jeŭropy».»My zacikaŭleny ŭ najchutčejšaj narmalizacyi adnosinaŭ Biełarusi i RIE», — padkreśliŭ jon.
Jon paviedamiŭ, što biełaruski bok uličyŭ pažadańni Rady Jeŭropy, jakija byli vykazany ŭ jaho rezalucyjach pa Biełarusi. «Biełaruś zrabiła kroki nasustrač Radzie Jeŭropy, u pryvatnaści, prajšło pieršaje pasiadžeńnie sumiesnaj z ABSIE hrupy pa ŭdaskanaleńni vybarčaha zakanadaŭstva, stvorany hramadskija rady pry Administracyi prezidenta i Ministerstvie infarmacyi. U Biełarusi pačaŭsia palityčny dyjałoh z hramadzianskaj supolnaściu», — kanstatavaŭ U.Andrejčanka.
Jon zaznačyŭ, što parłamientaryi hatovy ŭsialak dapamahać dakładčyku pa Biełarusi kamisii pa palityčnych pytańniach PARIE Andrea Ryhoni ŭ padrychtoŭcy dakłada, ź jakim jon pavinien vystupić na siesii ŭ červieni 2009 hoda.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary