Андрэйчанка: Беларусь разлічвае на статус спецыяльна запрошанага ў ПАРЕ
Пра гэта ён заявіў на сустрэчы з дэлегацыяй ПАРЕ ў Мінску.
Нацыянальны сход Беларусі мог бы атрымаць статус спецыяльнага запрошанага ў Парламенцкай асамблеі Рады Еўропы на яе чарговай сесіі. Пра гэта заявіў старшыня палаты прадстаўнікоў Уладзімір Андрэйчанка 16 лютага на сустрэчы з дэлегацыяй ПАРЕ ў Мінску.
«У гэтым кірунку праведзена значная праца. Сёння наступіў вельмі добры момант, калі па многіх пазіцыях мы разумеем адзін аднаго», — сказаў ён.
У.Андрэйчанка заявіў, што парламент Беларусі «гатовы да канструктыўнага супрацоўніцтва і дыялогу з Радай Еўропы».»Мы зацікаўлены ў найхутчэйшай нармалізацыі адносінаў Беларусі і РЕ», — падкрэсліў ён.
Ён паведаміў, што беларускі бок улічыў пажаданні Рады Еўропы, якія былі выказаны ў яго рэзалюцыях па Беларусі. «Беларусь зрабіла крокі насустрач Радзе Еўропы, у прыватнасці, прайшло першае пасяджэнне сумеснай з АБСЕ групы па ўдасканаленні выбарчага заканадаўства, створаны грамадскія рады пры Адміністрацыі прэзідэнта і Міністэрстве інфармацыі. У Беларусі пачаўся палітычны дыялог з грамадзянскай супольнасцю», — канстатаваў У.Андрэйчанка.
Ён зазначыў, што парламентарыі гатовы ўсяляк дапамагаць дакладчыку па Беларусі камісіі па палітычных пытаннях ПАРЕ Андрэа Рыгоні ў падрыхтоўцы даклада, з якім ён павінен выступіць на сесіі ў чэрвені 2009 года.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары