Mahiloviec adsudziŭ u kamiercyjnaj struktury 100 rubloŭ za niavydadzieny biaspłatny pakiet
Mahiloviec vyjhraŭ hramadzianskuju spravu ŭ sudzie Karmianskaha rajona ŭ pryvatnaha pradpryjemstva «SaniaMaks», u kramie jakoha jamu nie vydali biaspłatny palietylenavy pakiet, piša 6tv.by.
Mahiloviec kuplaŭ pradukty charčavańnia ŭ kramie ŭ rajcentry Karma. Kupiŭšy chleb, małako i bułački z makam, mahiloviec źviarnuŭ uvahu na kasavy ček. Tam, akramia vyšej paznačanych tavaraŭ, jon ubačyŭ, što ź jaho ŭziali pa dźvie kapiejki za try pakiety, u jakija byli zapakavany chlebabułačnyja vyraby. Jon zapatrabavaŭ ad zahadčycy kramy viarnuć jamu hrošy za ŭpakoŭku, jakaja musić być biaspłatnaj. Taja admoviłasia. Toje ž samaje adbyłosia i inšym razam, kali mahiloviec kupiŭ bułačku i ź jaho ŭziali dźvie kapiejki za pakiet.
U vyniku mahiloviec źviarnuŭsia ŭ miascovy sud.
Sud pahadziŭsia z mahiloŭcam i pastanaviŭ spahnać z pryvatnaha pradpryjemstva «SaniaMaks» vosiem niezakonna atrymanych kapiejek, a taksama kampiensavać maralnuju škodu — 100 rubloŭ.
Kamientary