U Kaściukovickim rajonie ŭ lesie znajšli žančynu, jakaja źnikła 5 dzion tamu
U Kaściukovickim rajonie znajšli žančynu, jakaja zahubiłasia ŭ lesie 12 kastryčnika, paviedamlaje milicyja.
53-hadovuju žycharku vioski Biełaja Dubrova Kaściukovickaha rajona znajšli 17 kastryčnika ŭ lasnym masivie pablizu vioski Zarečča. Jana była prytomnaja, ale bieź sił. Lekary, adznačyŭšy, što ź joj usio ŭ paradku, adpuścili dadomu.
U subotu jana dapamahała adnaviaskoŭcam u narychtoŭcy siena. Viečaram pa darozie dadomu žančyna ŭ niejki momant źnikła z vačej. Znajomyja pasprabavali jaje znajści, adnak samastojnyja pošuki vyniku nie prynieśli, i jany paviedamili ŭ milicyju. Źnikłuju šukali supracoŭniki RAUS, ratavalniki i rabotniki lashasa.
Kamientary