«Pałavyja orhany nie demanstravalisia». Milicyja acaniła dziejańni mastaka, jaki pryjšoŭ na vystavu hołym i pryniaŭšy vijahru
U kastryčniku mastak Alaksiej Kuźmič zładziŭ akcyju suprać cenzury — pryjšoŭ na vystavu hoły z šyldaj Ministerstva kultury na pałavym orhanie. Nacyjanalny centr sučasnych mastactvaŭ, dzie heta adbyłosia, napisaŭ na Kuźmiča zajavu ŭ milicyju. Niadaŭna mastaku pryjšoŭ adkaz — zavodzić kryminalnuju spravu nie buduć.
Padčas apytańnia milicyja vyznačyła, što «Kuźmič nie ahalaŭ pałavyja orhany i nie demanstravaŭ prysutnym, režym pracy i praviadzieńnia vystavy, a taksama hramadski paradak Kuźmič nie parušyŭ».
Razam z tym u adkazie napisana, što ŭ dziejańniach mastaka možna ŭhledzieć drobnaje chulihanstva i parušeńnie Administratyŭnaha kodeksa (a NCSM prasiŭ pryciahnuć da adkaznaści za chulihanstva pa Kryminalnym kodeksie).
Alaksiej kaža, što nie čakaŭ takoj raźviazki. Ale dumaje, što pa zahadzie ministerstva Centr mastactvaŭ jašče moža abskardzić rašeńnie milicyi i damahčysia, kab jamu vypisali štraf.
«U mianie jość prapanovy ad advakataŭ, jakija hatovy dapamahać, tak što nie dumaju, što ŭ ich atrymajecca mianie pakarać. Navat ad ahienctva pa abaronie dziełavoj reputacyi pastupała prapanova ab dapamozie. I ŭsio heta biaspłatna», — prakamientavaŭ mastak.
Kamientary