Jak stała viadoma «Narodnym navinam Viciebska» naš ziamlak, siabra Kansiervatyŭna‑chryścijanskaj partyi BNF Źmicier Pimienaŭ,jaki ŭ śniežni 2000 h. byŭ vymušany źjechać u emihracyju i zaraz žyvie ŭ Bielhii, abvieščany Interpol u mižnarodny vyšuk.
22 studzienia 2009 h. na sajcie Interpol ŭ raździele «Wanted» źjaviłasia ankieta sp. Pimienava, dzie śćviardžajecca, što
jon u vyšuku za vandalizm i chulihanstva, a zapyt na jaho aryšt vydadzieny ź Viciebska.
Našaj redakcyi ŭdałosia źviazacca sa Źmitrom, i jon paviedamiŭ, što ŭžo viedaje pra vyšuk: «Pra toje, što ja abjaŭleny ŭ vyšuk mnie paviedamili śpiecsłužby Francyi, bo, u suviazi sa svajoj hramadskaj dziejnaściu, ja mušu naviedvać niekatoryja jeŭrapiejskija krainy. Adkaznyja za vyšuk dobra razumiejuć, što heta palityčnaja sprava inśpiravanaja biełaruskim bokam, tamu pa‑siabroŭsku paraili być aściarožnym i biez patreby nie pakidać miežy Bielhii. Na terytoryi Bielhii ja ŭ poŭnaj biaśpiecy, bo znachodžusia pad abaronaj Ženieŭskaj kanviencyi, jakaja harantuje mnie niedatykalnaść».
Sa słoŭ sp. Pimienava jon praz svajho advakata ŭžo dasłaŭ zapyt u štab‑kvateru Interpol u Lijonie, adnak pakul nijakich tłumačeńniaŭ nie atrymaŭ.
Nahadajem, što u 2005 h. Źmicier Pimienaŭ užo byŭ aryštavany bielhijskimi ŭładami i trapiŭ u turmu.Hety aryšt vyklikaŭ abureńnie ŭ biełarusaŭ śvietu, i navat z admysłovaj zajavaj vystupiła Staršynia Rady BNR Ivonka Surviłła, paśla čaho naš ziamlak byŭ vyzvaleny. Da hetaj pary Źmicier nie viedaje pryčynaŭ aryštu, u vieraśni ž musić być razhledžany jaho isk da Bielhii adnosna hetaj spravy.
Kamientary