Premjer-ministr Rasii Dźmitryj Miadźviedzieŭ prakamientavaŭ sankcyi Suśvietnaha antydopinhavaha ahienctva (WADA) u dačynieńni da rasijskaha sportu, paviedamlaje ria.ru.
Siońnia vykankam WADA pryniaŭ rekamiendacyi kamiteta pa adpaviednaści i adchiliŭ Rasiju na 4 hady ad usich bujnych spabornictvaŭ, uklučajučy Alimpijskija hulni i čempijanaty śvietu. Čystyja rasijskija spartsmieny buduć dapuščanyja da Hulniaŭ i čempijanataŭ śvietu, ale tolki ŭ niejtralnym statusie — bieź ściaha i himna.
«Niemahčyma ihnaravać rašeńnie Mižnarodnaha antydopinhavaha ahienctva pa našych spartsmienach. Ja zaraz nie budu pravodzić padrabiazny analiz; nie tak daŭno, vystupajučy ź intervju, ja skazaŭ, što ŭ dadzienym vypadku vidavočna, što i na rasijskim baku — ja maju na ŭvazie ŭ našym spartyŭnaj supolnaści — isnujuć značnyja pakul prablemy z dopinham, heta niemahčyma admaŭlać», — zajaviŭ Miadźviedzieŭ.
«Toje, što ŭsie hetyja rašeńni paŭtarajucca, i čaściakom u dačynieńni da spartsmienaŭ, jakija tak ci inakš užo byli pakaranyja, nie kažučy ŭžo pra inšyja momanty, viadoma, navodzić na dumku, što heta praciah antyrasijskaj isteryi, jakaja nabyła ŭžo chraničnuju formu», — cytuje Miadźviedzieva RIA Naviny.
Za sistematyčny padman Rasiju na čatyry hady adchilili ad Alimpijadaŭ i čempijanataŭ śvietu
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary