Asnoŭnyja amierykanskija biržavyja indeksy abnavili łakalnyja maksimumy i ŭstalavali novy histaryčny rekord na fonie rostu akcyj Amazon i inšych technałahičnych hihantaŭ. Pra heta śviedčać źviestki tarhoŭ.
Tak, indeks Nasdaq u čaćvier, 26 śniežnia, upieršyniu ŭ historyi pieravysiŭ adznaku 9000 punktaŭ — za dzień jon vyras na 0,8 pracenta, biržavyja tarhi ŭ čaćvier zaviaršylisia na adznacy 9022,39 punkta.
Dva inšyja važnyja biržavyja indeksy na tarhach u čaćvier taksama dasiahnuli rekordnych pakazčykaŭ. Indeks Dow Jones vyras na 0,4 pracenta i dasiahnuŭ adznaki ŭ 28 621,39 punkta. Indeks S & P 500 pavialičyŭsia na 0,5 pracenta, da 3230,91 punkta.
Rekordny rost naziraŭsia adzinaccać siesij zapar, što zdaryłasia ŭpieršyniu za apošnija 22 hady. Hetamu spryjaŭ burny rost akcyj Amazon i inšych retejleraŭ, piša The Wall Street Journal.
Akcyi Amazon vyraśli ŭ čaćvier na 4,5 pracenta dziakujučy čarhovaj rekordnaj spravazdačy ab finansavych pakazčykach kampanii. Apple, Facebook i Alphabet taksama vyraśli ŭ čaćvier jak minimum na pracent.
Kamientary