Kamisija pa etycy «Biełaruskaj asacyjacyi žurnalistaŭ» razhledzieła zajavu hałoŭnaha redaktara haziety «Naša Niva» Jahora Marcinoviča.
Pa mierkavańni zajaŭnika, u publikacyi «Dieło žurnalista Č. Etična li publikacija «Našaj Nivy», źmieščanaj 13 śniežnia na sajcie Media IQ, parušany šerah pałažeńniaŭ Kodeksa žurnalisckaj etyki BAŽ. Pry hetym zajaŭnik spasyłajecca na Kodeks žurnalisckaj etyki BAŽ, zhodna z katorym «žurnalist pavinien prykłaści maksimum namahańniaŭ dla atrymańnia infarmacyi z usich mahčymych krynicaŭ dla taho, kab pierakanacca ŭ jaje paŭnacie, dakładnaści i biesstaronnaści».
Adnak pry padrychtoŭcy publikacyi redakcyja sajta Media IQ nie pradastaviła słova redakcyi «Našaj Nivy». A paśla publikacyi admoviłasia vypravić pamyłku, jakaja źmiaščajecca ŭ nastupnym śćviardžeńni miedyjaekśpierta Anatola Hulajeva: «Čamu my pavinny vieryć «Našaj Nivie»? Ja dzieviać hadoŭ byŭ staršynioj kamisii pa etycy Biełaruskaj asacyjacyi žurnalistaŭ, a «Naša Niva» ŭvieś hety čas była čempijonam pa parušeńni etyki. Pa jaje publikacyjach kamisija pryniała šerah rašeńniaŭ — usie, za vyklučeńniem adnaho, nie na jaje karyść. I ni adnoj nie było asprečana, navat abskardžana. I vieryć čempijonu pa parušeńni prafiesijnaj etyki mnie asabista nie chočacca».
Adnak za apošnija try hady apublikavanyja jak minimum dźvie pastanovy Kamisii pa etycy za podpisam spadara Hulajeva ab adsutnaści ŭ razhledžanych publikacyjach «Našaj Nivy» parušeńniaŭ prafiesijnaj etyki.
Kamisija pa etycy kanstatuje: u zhadanaj publikacyi sajta Media IQ ad 13 śniežnia 2019 hoda śćviardžeńnie miedyjaekśpierta Anatola Hulajeva, što «Naša Niva» «…ŭvieś hety čas była čempijonam pa parušeńni etyki. Pa jaje publikacyjach kamisija pryniała šerah rašeńniaŭ — usie, za vyklučeńniem adnaho, nie na jaje karyść», nie adpaviadaje rečaisnaści.
Kamisija pa etycy BAŽ adzinahałosna pastanaviła: U publikacyi sajta Media IQ «Dieło žurnalista Č. Etična li publikacija «Našaj Nivy»» dapuščana parušeńnie prafiesijnaj etyki».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy11
Kamientary